കേരളത്തിലെ സിപിഎം നേതാക്കളില്‍ എത്രയെത്ര പേരുണ്ട് ശതകോടീശ്വരന്‍മാര്‍.... നയാ പൈസ ആസ്തിയും കാര്യമായ വിദ്യാഭ്യാസവുമില്ലാതെ രാഷ്ട്രീയത്തില്‍ വരികയും കൊല്ലും കൊലയും കൊള്ളയും, തൊഴിലാക്കുകയും ചെയ്ത് അതിസമ്പന്‍മാരായി മാറിയത് എത്രയോ നേതാക്കളാണ്....
കേരളത്തിലെ സിപിഎം നേതാക്കളില്‍ എത്രയെത്ര പേരുണ്ട് ശതകോടീശ്വരന്‍മാര്‍. നയാ പൈസ ആസ്തിയും കാര്യമായ വിദ്യാഭ്യാസവുമില്ലാതെ രാഷ്ട്രീയത്തില്‍ വരികയും കൊല്ലും കൊലയും കൊള്ളയും തൊഴിലാക്കുകയും ചെയ്ത് അതിസമ്പന്‍മാരായി മാറിയത് എത്രയോ നേതാക്കളാണ്.സിപിഎമ്മിലെ നേതാക്കള്‍ പച്ചവെള്ളം ചവച്ചിറക്കില്ലെന്ന് വിശ്വസിക്കുകയും നയാ പൈസയുടെ ആസ്തിയില്ലെന്ന് പറയുകയും ചെയ്യുന്ന അടിമ അണികള്‍ക്കും ന്യായീകരണത്തൊഴിലാളികള്‍ക്കും വന്ദനം.അര ലക്ഷം രൂപയുടെ കണ്ണടയും സ്വര്‍ണനൂല്‍ പാകിയ പട്ടുസാരിയും അര കോടി രൂപയുടെ കാറും പതിനായിരം രുപയുടെ ചെരുപ്പും മാത്രമല്ല തോട്ടങ്ങളും കെട്ടിടങ്ങളും ഫാക്ടറികളും ഹോട്ടലുകളും റിസോര്‍ട്ടുകളുമൊക്കെ സമ്പാദിച്ചു കൂട്ടിയ എത്രയോ നേതാക്കള്‍ സിപിഎമ്മിലുണ്ട്.
മുഖ്യമന്ത്രി പിണറായി വിജയന്റെയും കുടുംബാംഗങ്ങളുടെയും വേഷഭൂഷാധികള്‍ ഒരു പാവപ്പെട്ട സഖാവിന്റേതാണെന്ന് വിശ്വസിക്കാന്‍ ആര്‍ക്കുമാവില്ല.തെങ്ങുചെത്തും എല്‍പി സ്‌കൂള്‍ അധ്യാപനവും കണ്ടക്ടര്‍ പണിയും പാര്‍ട്ടി ഓഫീസിലെ പ്യൂണ്‍ ജോലിയുമൊക്കെയായി സംസ്ഥാനത്തെ സിപിഎം നേതാക്കളുടെ പഴയ കാല ജീവിത സാഹചര്യം മാത്രം പഠിച്ചാല്‍ മതിയാകും. ചെറ്റകുടിലില്‍ ജനിച്ച എത്രയോ ഡിവൈഎഫ്‌ഐ നേതാക്കള്‍ ഇന്ന് വന്‍ബിസിനസ് ലോകം കെട്ടിപ്പെടുത്തിരിക്കുന്നു. കുടുംബം വിറ്റ് പാര്‍ട്ടിയെ വളര്‍ത്തിയ ഇംഎഎസും പി കണാരനും എകെ ഗോപാലനുമൊക്കെ കാലഹരണപ്പെട്ട പഴയ കഥാപാത്രങ്ങള്‍. ഈ പാര്‍ട്ടിയെക്കുറിച്ചും ഇന്നത്തെ നേതാക്കളെക്കുറിച്ചും നിങ്ങള്‍ക്ക് ഒരു ചുക്കും അറിയില്ലെന്ന് പിണറായി പലപ്പോഴും പറയുന്നത് പല അര്‍ഥങ്ങള്‍ വച്ചാണ്.
കൊള്ളയും കൊലയും നടത്താതെയും ഗുണ്ടകളെ കൂടെ നിറുത്താതെയും സിപിഎമ്മില്‍ നേതാക്കള്‍ ജനിക്കുന്നില്ല. ഇന്ന് കണ്ണൂര്‍ ജില്ലയില്‍നിന്നുള്ള സിപിഎം നേതാക്കളില്‍ എത്ര പേര്‍ കൊലക്കേസുകളില്‍ പ്രതിയാവുകയോ കൊല നടത്താന്‍ ഗുണ്ടകളെ പറഞ്ഞയക്കുകയോ ചെയ്തവരാണെന്നതില്‍ ആര്‍ക്കാണ് സംശയം. ടിപി ചന്ദ്രശേഖരന്റെയും കെടി ജയകൃഷ്ണന്‍ മാസ്റ്ററുടെയും അതിദാരുണമായ കൊലപാകതത്തില്‍ സിപിഎമ്മിലെ മുന്‍നിര നേതാക്കള്‍ക്കെല്ലാം പങ്കുണ്ടായിരുന്നു എന്നത് അരിയാഹാരം കഴിക്കുന്ന എല്ലാവര്‍ക്കുമറിയാം.ഒന്നോ രണ്ടോ ലക്ഷം രൂപയുടെ പിരിവും സംഭാവനയല്ല മറിച്ച് കോടികളുടെ കോഴയാണ് സിപിഎമ്മിലെ പല നേതാക്കള്‍ക്കു വന്നു ചേരുന്നത്. പാര്‍ട്ടി ഫണ്ടിലേക്കെന്ന പേരില്‍ വരുന്നപണത്തിലും നേതാക്കള്‍ക്ക് വിഹിതമുണ്ടെന്ന തിരിച്ചറിവ് അടിമ അണികള്‍ക്കു മാത്രമേ അറിയാതുള്ളു.
പാര്‍ട്ടി സമ്മേളനങ്ങള്‍, പാര്‍ട്ടി കോണ്‍ഗ്രസുകള്‍, തെരഞ്ഞെടുപ്പുകള്‍ എന്നിവയ്‌ക്കെല്ലാം മുന്‍നിര നേതാക്കള്‍ക്ക് കോഴ ലഭിക്കുന്നുണ്ടെന്നതില്‍ ആര്‍ക്കാണ് സംശയം. ഭരണത്തിലിരിക്കെ സിപിഎമ്മിലെ നേതാക്കളില്‍ എത്രയോ പേര്‍ കോഴ വാങ്ങി അനുകൂലമായ സാഹചര്യങ്ങള്‍ ഒരുക്കിക്കൊടുക്കുന്നു.കരിമണല്‍ കടത്തിലെ മാസപ്പടിയുമൊക്കെ ഇത്തരം വഴിവിട്ട സഹായങ്ങള്‍ക്കുള്ള പ്രത്യോപകാരമായിരുന്നു എന്നതില്‍ സംശയം വേണ്ട. ഇടുക്കി ജില്ലയിലേക്ക് നയാ പൈസ കൈവശമില്ലാതെ കുടിയേറിയ സിപിഎം നേതാവിന്റെ കുടുംബാംഗങ്ങള്‍ക്ക് ഇന്ന് 200 കോടിയോളം രൂപയുടെ ആസ്തിയുണ്ടെന്നാണ് പറച്ചില്‍. കോട്ടയം, ആലപ്പുഴ, കണ്ണൂര്‍, തിരുവനന്തപുരം , കോഴിക്കോട് ജില്ലകളിലെ എത്രയോ നേതാക്കള്‍ ഇക്കാലത്ത് അതിസമ്പന്നന്‍മാരാണ്.
സംസ്ഥാനത്തെ സിപിഎം നേതാക്കളില്‍ ഏറെപ്പേര്‍ക്കും ബിനാമി ബിസിനസും മറ്റുള്ളവരുടെ പേരില്‍ കോടികളും നിക്ഷേപവുമുണ്ടെന്നതില്‍ സംശയം വേണ്ട. കൊല്ലാനും തല്ലാനും അണികളും അടിമകളും ഉള്ളിടത്തോളം കാലം സിപിഎം നേതാക്കള്‍ക്ക് നിയമം പുല്ലാണ്. നയാ പൈസയ്ക്ക് വകയില്ലാതെ പാര്‍ട്ടിയിലേക്ക് വരികയും സംസ്ഥാനത്തെ തന്നെ അതിസമ്പന്‍മാരുടെ നിരയിലേക്ക് ഉയരുകയും ചെയ്ത എത്ര നേതാക്കള്‍ ഈ പാര്‍ട്ടിയിലുണ്ട്. കേരളത്തില്‍ മാത്രമല്ല കേരളത്തിനും പുറത്തും ഗള്‍ഫിലും യൂറോപ്പിലുമൊക്കെ ശതകോടികളുടെ നിക്ഷേപമുള്ളതിനാലാണ് സിപിഎം നേതാക്കളില്‍ പലരും ഇടയ്ക്കിടെ വിദേശം ചുറ്റുന്നത്. ദുബായ് കേന്ദ്രീകരിച്ച് പത്തിലേറെ സിപിഎം നേതാക്കള്‍ക്ക് ബിനാമി ബിസിനുകളുണ്ടെന്ന് സാഹചര്യങ്ങള്‍ വ്യക്തമാക്കുന്നു.
സുഖലോലുപതയുടെ പര്യായങ്ങളാണ് സംസ്ഥാനത്ത് ഇക്കാലത്തെ നേതാക്കള്‍. പളുപള മിന്നുന്ന ഉടയാടകളും അത്യാഡംബര വാഹനങ്ങളുമില്ലാത്ത ഒരു നേതാവുപോലുമില്ല. 50 ലക്ഷം രൂപയുടെ കാറില്‍ സഞ്ചരിക്കാത്ത ഒരു മന്ത്രിപോലും സംസ്ഥാനത്തില്ല. മൂന്നു വര്‍ഷം കൂടുമ്പോള്‍ കാറുകള്‍ മാറി വാങ്ങുകയും വീടുകളില്‍ അത്യഡംബര ജീവിതം നയിക്കുകയും ചെയ്യുന്ന നേതാക്കളെ ആരാളും ചോദ്യം ചെയ്യില്ല. മന്ത്രിയുടെയും സംസ്ഥാന നേതാവിന്റെ മക്കള്‍ക്ക് വഴി വിട്ട ബന്ധങ്ങളും അവിഹിത സന്തതികളും ജനിക്കുമ്പോള്‍ പാര്‍ട്ടി ഫണ്ടില്‍ നിന്നും നഷ്ടപരിഹാരം നല്‍കുന്ന മറ്റൊരു രാഷ്ട്രീയ സംവിധാനം വേറെയില്ല.
https://www.facebook.com/Malayalivartha
