തിരക്കുപിടിച്ചുള്ള രാഷ്ട്രീയ സാഹചര്യത്തില് ആരാണ് സമാധാനം ആഗ്രഹിക്കാത്തത്;കിട്ടിയ അവസരത്തില് മുഖ്യമന്ത്രിയെ ട്രോളി എംവി ഗോവിന്ദന്,വീണയെ തൂക്കുമെന്ന പേടിയില് പിണറായി മുങ്ങിയെന്ന് കരക്കമ്പി,വിദേശ യാത്ര ന്യായീകരിക്കാന് വന്ന പാര്ട്ടി സെക്രട്ടറി പിണറായി ട്രോളന്മാര്ക്ക് പിടിച്ചിട്ട് കൊടുത്തു
മുഖ്യമന്ത്രിയ്ക്ക് വേണ്ടി കിടന്ന് മെഴുകി വശംകെട്ട പാര്ട്ടി സെക്രട്ടറി ഗിയര്മാറ്റി ചവിട്ടി തുടങ്ങി. നൈസാ മുഖ്യനിട്ട് പണിവെക്കുകയാണിപ്പോള് എംവി ഗോവിന്ദന്. തിരക്കുപിടിച്ച രാഷ്ട്രീയ സാഹചര്യത്തില് ഇടവേള ആരാണ് ആഗ്രഹിക്കാത്തതെന്ന് ഗോവിന്ദന് ഡയലോഗ് അടിച്ചു മുഖ്യന് ഇപ്പോള് എയറില്. തിരക്കുപിടിച്ച രാഷ്ട്രീയ സാഹചര്യമാണോ അതോ മകള് തൂങ്ങുമെന്ന പേടികൊണ്ടാണോയെന്ന് പൊങ്കാല. മുഖ്യനേയും മകളേയും കൊട്ടാനുള്ളത് ഇങ്ങോട്ട് ഇട്ടുതന്ന് ഗോവിന്ദന്. മുഖ്യമന്ത്രി പിണറായി വിജയന് കുടുംബ സമേതം വിദേശത്തു യാത്ര പോയതിനെ ന്യായീകരിക്കാന് വന്ന പാര്ട്ടി സെക്രട്ടറി കളം നിറഞ്ഞ് കളി തുടങ്ങി.
തിരക്കുപിടിച്ച രാഷ്ട്രീയ സാഹചര്യത്തില് ഇടവേള ആരാണ് ആഗ്രഹിക്കാത്തത്. കേന്ദ്രസര്ക്കാറിന്റെയും പാര്ട്ടിയുടെയും അനുമതി വാങ്ങിയ ശേഷമാണ് മുഖ്യമന്ത്രി വിദേശത്തു പോയത്. ലോകത്ത് എവിടെയിരുന്നും മുഖ്യമന്ത്രിയുടെ ചുമതല നിര്വഹിക്കാനാകും. സ്പോണ്സര്ഷിപ് ആരോപണങ്ങളെക്കുറിച്ചുള്ള ചോദ്യങ്ങളോട് കയര്ത്ത എം വിഗോവിന്ദന്, മുഖ്യമന്ത്രി പോയത് സ്വന്തം ചെലവിലെന്നും അതിനെക്കുറിച്ചുള്ള ചോദ്യംതന്നെ അസംബന്ധമെന്നും പറഞ്ഞു. മറ്റ് സംസ്ഥാനങ്ങളില് പ്രചാരണത്തിന് മുഖ്യമന്ത്രി പോകേണ്ടെന്ന് തീരുമാനിച്ചിരുന്നുവെന്നും അദ്ദേഹം പറഞ്ഞു.
ബംഗാളിലും ത്രിപുരയിലും അടക്കം ലോക്സഭാ തെരഞ്ഞെടുപ്പു നടക്കവേ അവിടെ പ്രചരണത്തിന് പോകാതെയാണ് പോളിറ്റ്ബ്യൂറോ അംഗം കൂടിയായ പിണറായി വിദേശ യാതയ്ക്ക് പോയത്. നേരത്തെ മുഖ്യമന്ത്രി പിണറായി വിജയന്റെ വിദേശയാത്രയെ രൂക്ഷമായി വിമര്ശിച്ച് പ്രതിപക്ഷ നേതാവ് വിഡി സതീശനും രംഗത്തുവന്നിരുന്നു. ബിജെപിയെ പേടിച്ചിട്ടാണോ മുഖ്യമന്ത്രി പ്രചാരണത്തിന് ഇറങ്ങാതെ വിദേശത്തേക്ക് പോയതെന്നും മന്ത്രിസഭാ യോഗം ചേരാത്തത് എന്തുകൊണ്ടെന്നും വിഡി സതീശന് ചോദിച്ചിരുന്നു.
മുഖ്യമന്ത്രി ഉള്പ്പെടെയുള്ളവര് രഹസ്യമായി വിദേശയാത്ര നടത്തിയത് എന്തിന്, അടിയന്തര തീരുമാനങ്ങളെടുക്കേണ്ട സാഹചര്യത്തിലും മന്ത്രിസഭായോഗം ചേരാത്തത് എന്തുകൊണ്ട്, ഇടതില്ലെങ്കില് ഇന്ത്യയില്ലെന്ന് പറഞ്ഞവരാണ് ലോകം ചുറ്റാന് ഇറങ്ങിയിരിക്കുന്നത്, ബിജെപിയെ പേടിച്ചാണോ പിണറായി പ്രചരണത്തിന് ഇറങ്ങാത്തത്, മുഖ്യമന്ത്രിയും മന്ത്രിമാരും വിദേശയാത്ര നടത്തുന്നതിന് പ്രതിപക്ഷം എതിരല്ല, എന്നാല് മുഖ്യമന്ത്രി ഉള്പ്പെടെയുള്ളവര് അതീവരഹസ്യമായി യാത്ര നടത്തിയത് എന്തിനെന്ന് മനസിലാകുന്നില്ല, 16 ദിവസം മുഖ്യമന്ത്രി സംസ്ഥാനത്തില്ലെന്നാണ് മനസിലാക്കുന്നത്, ഭരണഘടനാ സ്ഥാനത്തിരിക്കുന്നവര് എന്ത് ചെയ്യുമ്പോഴും സുതാര്യത ഉറപ്പാക്കേണ്ടതുണ്ട്, അല്ലെങ്കില് അത് പലവിധ സംശയങ്ങള്ക്കും ഇടവരുത്തുമെന്നും വിഡി സതീശന് പറഞ്ഞിരുന്നു.
മുഖ്യമന്ത്രിയുടെ അസാന്നിധ്യത്തില് തീരുമാനങ്ങളെടുക്കുന്നത് ആരാണെന്നും പകരം ചുമതല ആരെയും ഏല്പിച്ചിട്ടില്ല എങ്കില് അത് മന്ത്രിസഭയുടെ കൂട്ടുത്തരവാദിത്തത്തില് സംശയങ്ങളുയര്ത്തുന്നുവെന്നും പ്രതിപക്ഷനേതാവ് ആരോപിച്ചു. ഉഷ്ണതരംഗം, കടല്ക്ഷോഭം എന്നിങ്ങനെയുള്ള പല പ്രശ്നങ്ങളും സംസ്ഥാനം നേരിട്ടുകൊണ്ടിരിക്കെ ഇവയിലൊന്നും ഇടപെടാതിരിക്കുന്നു എന്ന കുറ്റപ്പെടുത്തലും പ്രതിപക്ഷ നേതാവ് നടത്തി.
മുഖ്യമന്ത്രിയും കുടുംബവും വിദേശത്ത് തുടരുന്ന വിനോദ സഞ്ചാര യാത്രയുടെ സ്പോണ്സര് ആരെന്ന ചോദ്യവും ഉയര്ന്നിരുന്നു. ദല്ലാള് നന്ദകുമാറിനോടുള്ള ചങ്ങാത്തം വേണ്ടെന്ന് എല്ഡിഎഫ് കണ്വീനര് ഇ.പി. ജയരാജന് താക്കീതുകൊടുത്തതിനു പിന്നാലെ അജ്ഞാതന്റെ ചെലവില് മുഖ്യമന്ത്രിയും കുടുംബവും വിദേശത്ത് വിനോദ സഞ്ചാരം നടത്തുതായി ബിജെപി മുഖപത്രമായ ജന്മഭൂമി ആരോപിച്ചിരുന്നു. മുഖ്യമന്ത്രി വിദേശത്തായതിനാല് നാളെ ഓണ്ലൈനായി നടക്കേണ്ടിയിരുന്ന മന്ത്രിസഭാ യോഗവും മാറ്റി. സംസ്ഥാനം ഇത്രയും കടുത്ത പ്രതിസന്ധിയിലൂടെ കടന്നുപോകുമ്പോഴാണ് മുഖ്യമന്ത്രിയും കുടുംബവും നടത്തുന്ന വിനോദയാത്രയുടെ ചിത്രങ്ങള് കേരളത്തിലേക്ക് അയച്ചത്. നിര്ണായക തീരുമാനങ്ങള് എടുക്കേണ്ട മന്ത്രിസഭാ യോഗം പോലും വേണ്ടെന്ന് വച്ചാണ് 19 ദിവസത്തെ വിദേശ വിനോദ സഞ്ചാര യാത്ര. മുഖ്യമന്ത്രിയുടെ അസാന്നിധ്യത്തില് നിര്ണായക തീരുമാനങ്ങള് എടുക്കാനുള്ള ചുമതല ആര്ക്കും നല്കിയിട്ടുമില്ല.
സാധാരണ ഒരു കമ്യൂണിസ്റ്റ് നേതാവ് വിദേശ യാത്ര നടത്തുകയാണെങ്കില് പാര്ട്ടി അറിഞ്ഞിരിക്കണം. ചെലവിനെക്കുറിച്ചും വിശദീകരണം നല്കണം. വിദേശത്തേക്ക് പോകുന്നുവെന്നല്ലാതെ വ്യക്തമായ വിശദീകരണം മുഖ്യമന്ത്രി പാര്ട്ടിക്ക് നല്കിയിട്ടില്ലെന്നും ആരോപണം ഉയര്ന്നിരുന്നു. ഇതിനകം 20 വിദേശ യാത്രകളാണ് മുഖ്യമന്ത്രി നടത്തിയത്. ഇതെല്ലാം ഔദ്യോഗിക തലത്തിലായിരുന്നു. കോടിക്കണക്കിന് രൂപ ചെലവഴിച്ചതല്ലാതെ കേരളത്തിന് ഗുണമുണ്ടായില്ല. യുഎസ്എ, യുകെ, യുഎഇ, ജര്മനി, ക്യൂബ, സ്വിറ്റ്സര്ലാന്ഡ്, ജപ്പാന്, നെതര്ലാന്ഡ്സ് തുടങ്ങിയ രാജ്യങ്ങളിലായിരുന്നു യാത്രകള്. ഈ യാത്രകള്ക്കെല്ലാം വിനിയോഗിച്ച കണക്ക് സംബന്ധിച്ച് നിയമസഭയിലെ ചോദ്യങ്ങള്ക്ക് പോലും മറുപടി നല്കിയിട്ടില്ല.
https://www.facebook.com/Malayalivartha