വയനാട്ടിലും ചേലക്കരയിലും ഇന്ന് നിശ്ശബ്ദ പ്രചാരണം... പരമാവധി വോട്ടര്മാരെ നേരിട്ട് കണ്ട് വോട്ടുറപ്പിക്കാനുള്ള നീക്കത്തില് സ്ഥാനാര്ത്ഥികള്
വയനാട്ടിലും ചേലക്കരയിലും ഇന്ന് നിശ്ശബ്ദ പ്രചാരണം... പരമാവധി വോട്ടര്മാരെ നേരിട്ട് കണ്ട് വോട്ടുറപ്പിക്കാനുള്ള നീക്കത്തില് സ്ഥാനാര്ത്ഥികള്.
ബൂത്ത് തലത്തിലുള്ള സ്ക്വാഡ് വര്ക്കുകള് ഇന്നും തുടരും. പൗരപ്രമുഖരുമായുള്ള കൂടിക്കാഴ്ചകളാണ് സ്ഥാനാര്ഥികളുടെ പ്രധാന പരിപാടി. പോളിംഗ് സാമഗ്രികളുടെ വിതരണം രാവിലെ എട്ട് മണി മുതല് വിവിധ ഇടങ്ങളില് ആരംഭിക്കും. ഉച്ചയോടെ വിതരണം പൂര്ത്തിയാകും.
അതേസമയം തെരഞ്ഞെടുപ്പ് സാമഗ്രികളുടെ വിതരണം രാവിലെ തുടങ്ങും. ചെറുതുരുത്തി സ്കൂളില് നിന്നാണ് വോട്ടിംഗ് യന്ത്രങ്ങള് അടക്കം വിതരണം ചെയ്യുക. 180 ബൂത്തുകളിലേക്കുള്ള ഇവിഎം മൂന്ന് സ്ട്രോങ്ങ് റൂമുകളിലാണ് സൂക്ഷിച്ചിരിക്കുന്നത്. വിവിപാറ്റ് മെഷീനുകളുടെ തകരാറുകള് മുന്നില് കണ്ട് 180 ബൂത്തുകള്ക്കായി ആകെ 236 മെഷീനുകള് സജ്ജമാക്കി. വയനാട്ടില് മറ്റന്നാള് വരെ പ്രിയങ്ക ഗാന്ധി ഉണ്ടായിരിക്കും.
അതേസമയം പ്രചാരണം അവസാനിച്ചപ്പോള് എല്ഡിഎഫും യുഡിഎഫും ഉറച്ച വിജയ പ്രതീക്ഷയിലാണുള്ളത്.
https://www.facebook.com/Malayalivartha
