ഞാന്‍ എന്ത് ചെയ്തു എന്ന ചോദ്യത്തിനുള്ള ഉത്തരം ഞാനും ഉല്ലാസേട്ടനും മാത്രം അറിഞ്ഞാല്‍ മതി
നടന്‍ ഉല്ലാസ് പന്തളത്തെ സന്ദര്‍ശിച്ച് അഖില്‍ മാരാര്‍. അദ്ദേഹത്തിന്റെ രോഗ വിവരം അടുത്തിടെയാണ് സോഷ്യല്‍ മീഡിയയിലൂടെ പുറംലോകമറിഞ്ഞതെന്ന് അഖില്‍ മാരാര്‍. സ്‌ട്രോക്ക് വന്നതിന് ശേഷം ഊന്നുവടിയുടെ സഹായത്തോടെയാണ് ഉല്ലാസ് നടക്കുന്നത്. അടുത്തിടെ ഒരു ജ്വല്ലറിയുടെ ഉദഘാടനത്തിന് എത്തിയതോടെയാണ് രോഗ വിവരത്തെ കുറിച്ച് നടന്‍ പറഞ്ഞത്.
കുറിപ്പിന്റെ പൂര്‍ണരൂപം:
'2013ല്‍ ഗോകുലം സ്റ്റാഫ് അസോസിയേഷന്റെ വാര്‍ഷികത്തിന് കൊച്ചി ഗോകുലം ഗ്രാന്‍ഡില്‍ ഞാന്‍ സംവിധാനം ചെയ്ത ഷോയില്‍ സ്‌കിറ്റ് ഡബ് ചെയ്യാന്‍ വന്നപ്പോള്‍ ആണ് ഞങ്ങള്‍ ആദ്യമായി പരിചയപെടുന്നത്. പിന്നീട് വല്ലപ്പോഴും വിളിക്കും കഴിഞ്ഞ വര്‍ഷം ഒരു സിനിമയുടെ പ്രിവ്യൂ ഷോ സമയമാണ് അവസാനമായി കണ്ടത്.ഒരു പാട് വേദിയില്‍ നമ്മളെ ചിരിപ്പിച്ച ഒരു കലാകാരന്‍ വീണ് പോയത് കണ്ടപ്പോള്‍ വിഷമമായി.
കലാകാരന്‍ പോരാളി ആണ്. അവന്റെ വേദനയിലും അവന്‍ സദസ്സിനെ ചിരിപ്പിക്കും. എത്രയും വേഗം അസുഖം ഭേദമായി ഉല്ലാസേട്ടന്‍ തിരിച്ചു വരട്ടെ… എല്ലാ പ്രാര്‍ത്ഥനകളും.വയ്യാത്ത ആളുടെ കൂടെ ഫോട്ടോ ഇട്ട് റീച്ച് എന്നൊക്കെയുള്ള കമന്റുകള്‍ ഒഴിവാക്കുക. ഒരിക്കല്‍ നിങ്ങളെ ചിരിപ്പിച്ച സന്തോഷിപ്പിച്ചവര്‍ ഇന്നും ഇവിടെ ജീവിക്കുന്നു എന്ന ഓര്‍മപ്പെടുത്തല്‍ ആണ് ഈ ഫോട്ടോ. ഞാന്‍ എന്ത് ചെയ്തു എന്ന ചോദ്യത്തിനുള്ള ഉത്തരം ഞാനും ഉല്ലാസേട്ടനും മാത്രം അറിഞ്ഞാല്‍ മതി'.
https://www.facebook.com/Malayalivartha
