രാഹുല് മാങ്കൂട്ടത്തില് ഒളിവിലുള്ളത് കര്ണാടകയിലെന്ന് സൂചന
രാഹുല് മാങ്കൂട്ടത്തില് ഒളിവിലുള്ളത് കര്ണാടകയിലെ അനെകലിലെ നിര്മാണത്തിലിരുക്കുന്ന റിസോര്ട്ടിലെന്ന് സൂചന. റിസോര്ട്ട് വനമേഖലയോട് ചേര്ന്നാണ് ഉള്ളത്. ബംഗളൂരുവില് നിന്ന് അനെകലിലേക്ക് 36 കിലോമീറ്റര് ദൂരമുണ്ട്. രാഹുല് ഒളിവില് കഴിയുന്നത് ബാംഗ്ലൂര് ഇലക്ട്രോണിക് സിറ്റിയില് നിന്ന് 15 കിലോമീറ്റര് അകലെയാണ്. തമിഴ്നാട് അതിര്ത്തിയിലുള്ള ബാഗലൂരില് നിന്നും ബംഗളൂരുവിലെ അനെകലിലേക്ക് മുങ്ങിയെന്നാണ് വിവരം. ബാഗല്ലൂരിലെ റിസോര്ട്ടില് പൊലീസ് എത്തുന്നതിന് മുമ്പ് രാഹുല് മാങ്കൂട്ടത്തില് മുങ്ങി. ഞായറാഴ്ചയാണ് രാഹുല് ബാഗലൂരില് റിസോര്ട്ടിലെത്തിയതെന്നും അതിന് ശേഷം കര്ണാടകയിലേക്ക് കടന്നെന്നുമാണ് സൂചന.
ഒളിവിലുള്ള രാഹുല് കാറുകള് മാറി മാറി ഉപയോഗിക്കുന്നതായും സംശയമുണ്ട്. ബുധനാഴ്ചയാണ് രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷ കോടതി പരിഗണിക്കുന്നത്. ബലാത്സംഗ കേസിലെ പ്രതിയായ രാഹുല് മാങ്കൂട്ടത്തില് എംഎല്എ ആറാം ദിവസവും ഒളിവില് തുടരുകയാണ്. വ്യാഴാഴ്ച വൈകീട്ട് രാഹുല് മാങ്കൂട്ടത്തില് നേരെ പോയത് പൊള്ളാച്ചിയ്ക്കെന്നാണ് അന്വേഷണ സംഘത്തിന് ലഭിച്ചിരിക്കുന്ന വിവരം. ഇതിന് ശേഷം കോയമ്പത്തൂരിലേക്ക് കടന്നു.
ഹൈവേ ഒഴിവാക്കി ജില്ലാ അതിര്ത്തിയായ കൊഴിഞാമ്പാറ വഴിയാണ് എംഎല്എ കടന്നിരിക്കുന്നതെന്നാണ് പൊലീസ് കരുതുന്നത്. രാഹുല് പാലക്കാടില്ലെന്ന് ഉറപ്പിച്ചാണ് അന്വേഷണ സംഘത്തിന്റെ നീക്കം രാഹുലിനൊപ്പം കേസിലെ രണ്ടാം പ്രതിയായ ജോബി ജോസഫും ഉണ്ടെന്നും വിവരമുണ്ട്. അതേസമയം രാഹുല് മാങ്കൂട്ടത്തില് എംഎല്എക്കെതിരെ ബലാത്സംഗ പരാതിയുമായി മറ്റൊരു യുവതി കൂടി രംഗത്ത് എത്തി. മുതിര്ന്ന കോണ്ഗ്രസ് നേതാവ് സോണിയ ഗാന്ധിക്കും കെപിസിസി പ്രസിസന്റിനും യുവതി പരാതി അയച്ചതായാണ് വിവരം. 23കാരിയാണ് പരാതിയുമായി എത്തിയത്.
https://www.facebook.com/Malayalivartha
