വേണു ഗോപാലകൃഷ്ണനെതിരെയുള്ള ലൈംഗികപീഡന പരാതി മദ്ധ്യസ്ഥതയിലൂടെ തീര്ത്തുകൂടെയെന്ന് സുപ്രീംകോടതി
ഐടി വ്യവസായി വേണു ഗോപാലകൃഷ്ണന് പ്രതിയായ ലൈംഗിക പീഡന പരാതിയില് അസാധാരണ നീക്കവുമായി സുപ്രീംകോടതി. കേസ് മദ്ധ്യസ്ഥതയിലൂടെ തീര്ത്തുകൂടെയെന്ന് സുപ്രീംകോടതി അതിജീവിതയോട് ചോദിച്ചു. തുടര്ന്ന് ഈ കാര്യം പരിശോധിക്കാന് കേസ് സുപ്രീംകോടതിയുടെ മീഡിയേഷന് സെന്ററിന് വിട്ടിരിക്കുകയാണ്. ഇരുകക്ഷികളും ഓണ്ലൈനായി ഹാജരാകാനും കോടതി നിര്ദ്ദേശിച്ചു. വേണു ഗോപാലകൃഷ്ണന്റെ മുന്കൂര്ജാമ്യ ഹര്ജി പരിഗണിക്കുന്നുതിനിടെയാണ് അസാധാരണ നടപടി സുപ്രീംകോടതി സ്വീകരിച്ചത്.
സാധാരണ ലൈംഗിക പീഡന പരാതികളില് സുപ്രീംകോടതി ഇത്തരം നടപടികള് സ്വീകരിക്കാറില്ല. മീഡിയേഷന് സെന്ററിന്റെ റിപ്പോര്ട്ട് സുപ്രീംകോടതിയില് സമര്പ്പിക്കണം. കേസ് അടുത്തവര്ഷം ഫെബ്രുവരി രണ്ടിന് വീണ്ടും പരിഗണിക്കും. കേസില് സംസ്ഥാന സര്ക്കാരിനായി സ്റ്റാന്ഡിംഗ് കൗണ്സല് നിഷേ രാജന് ഷൊങ്കറാണ് ഹാജരായത്. ഗോപാലകൃഷ്ണനായി മുതിര്ന്ന അഭിഭാഷകരായ മുകുള് റോത്തഗി, രാകേന്ത് ബസന്ത്, അഭിഭാഷകരായ വിഷ്ണു പി, തോമസ് ആനക്കല്ലുങ്കല് എന്നിവരും ഹാജരായി.
https://www.facebook.com/Malayalivartha
