കൊച്ചി അന്താരാഷ്ട്ര വിമാനത്താവളത്തിൽ വൻ അപകടം ഒഴിവായി. ജിദ്ദയിൽ നിന്ന് കരിപ്പൂരിൽ ഇറങ്ങേണ്ട എയർ ഇന്ത്യ എക്സ്പ്രസ് വിമാനം അടിയന്തര ലാൻഡിങ് നടത്തി. വിമാനത്തിന്റെ രണ്ട് ടയറുകളും പൊട്ടിത്തെറിച്ചു. വിമാനത്തിലുണ്ടായിരുന്ന 160 യാത്രക്കാരും സുരക്ഷിതരാണെന്ന് വിമാനത്താവള അധികൃതർ .

പുലർച്ചെ കരിപ്പൂരിൽ‌ എത്തേണ്ടതായിരുന്നു വിമാനം. എന്നാൽ യാത്രാമധ്യേ സാങ്കേതിക തകരാർ സംഭവിച്ചെന്ന് മനസിലാക്കുകയും അടിയന്തരമായി ലാൻഡിങ് വേണമെന്ന് പൈലറ്റ് ആവശ്യപ്പെടുകയുമായിരുന്നു.

നെടുമ്പാശേരി വിമാനത്താവളം ലാൻഡിങിന് സർവസജ്ജമായിരുന്നു. സിഐഎസ്എഫ് ഉദ്യോ​ഗസ്ഥരും അ​ഗ്നിശമനസേനയും സ്ഥലത്തെത്തി. അടിയന്തര ലാൻഡിങിൽ മറ്റ് അപകടങ്ങളൊന്നും സംഭവിച്ചില്ല. നിലവിൽ വിമാനത്താവളത്തിൽ തന്നെ തുടരുകയാണ് യാത്രക്കാർ.