160 യാത്രക്കാരുമായി ജിദ്ദയിൽ നിന്ന്!! ജിദ്ദ - കോഴിക്കോട് എയര് ഇന്ത്യ എക്സ്പ്രസിൻ്റെ ടയറുകള് പൊട്ടിത്തെറിച്ചു...അടിയന്തര ലാന്ഡിങ്
18 DECEMBER 2025 01:08 PM IST
മലയാളി വാര്ത്ത
ജിദ്ദ- കരിപ്പൂര് എയര്ഇന്ത്യ എക്സ്പ്രസ് വിമാനത്തിന്റെ ടയര് പൊട്ടാന് കാരണം ജിദ്ദയിലെ റണ്വേയില് നിന്നുള്ള വസ്തു എന്ന് റിപ്പോര്ട്ട്. ജിദ്ദ വിമാനത്താവളത്തിലെ റണ്വേയില്നിന്ന് ടേക്ക് ഓഫിനിടെ ടയറില് പറ്റിപ്പിടിച്ച വസ്തുവാണ് പ്രശ്നമുണ്ടാക്കിയതെന്നാണ് ഇപ്പോള് പുറത്തുവരുന്ന വിവരം. ഈ വസ്തു എന്താണെന്നും മറ്റുമുള്ള വിവരങ്ങള് പരിശോധിക്കുന്നതേയുള്ളൂവെന്ന് എയര് ഇന്ത്യ വക്താവ് അറിയിച്ചു.
160 യാത്രക്കാരുമായി ജിദ്ദയിൽ നിന്ന് കോഴിക്കോടേക്ക് പോവുകയായിരുന്നു വിമാനം ...കരിപ്പൂരിൽ ഇറങ്ങേണ്ടിയിരുന്ന എയർ ഇന്ത്യ എക്സ്പ്രസ് വിമാനം ഐഎക്സ് 398 ആണ് കൊച്ചിയിൽ ഇറങ്ങിയത്. ലാൻഡിങ് ഗിയറിൽ സാങ്കേതിക പ്രശ്നം ഉണ്ടായതിനെത്തുടർന്നാണ് അടിയന്തര ലാൻഡിങ്ങിനു വിമാനം ശ്രമിച്ചത്. വിമാനത്തിൻ്റെ ടയറുകൾ പൊട്ടിത്തെറിച്ചു.
വൻദുരന്തമാണ് തലനാരിഴയ്ക്ക് ഒഴിവായത്. യാത്രക്കാർ സുരക്ഷിതരാണെന്ന് സിയാൽ അറിയിച്ചു. 9:07ന് വിമാനം സുരക്ഷിതമായി ലാൻഡ് ചെയ്തതായി സിയാൽ (കൊച്ചി വിമാനത്താവള അതോറിറ്റി) അറിയിച്ചു. ഇന്ന് രാവിലെ 9 മണിയോടെയാണ് സംഭവം. വിമാനത്തിലുണ്ടായിരുന്ന 160 യാത്രക്കാരും സുരക്ഷിതരാണെന്ന് സിയാല് അറിയിച്ചു. പൈലറ്റിന്റെ സമയോചിതമായ ഇടപെടൽ മൂലം വിമാനം സുരക്ഷിതമായി ലാൻഡ് ചെയ്യാൻ സാധിച്ചതിനാൽ വലിയൊരു അപകടം ഒഴിവാകുകയായിരുന്നു . 9.07ന് വിമാനം സുരക്ഷിതമായി ലാന്ഡ് ചെയ്തതായി സിയാല് (കൊച്ചി വിമാനത്താവള അതോറിറ്റി) അറിയിച്ചു. ലാന്ഡിങ്ങിനു ശേഷമുള്ള പരിശോധനയിലാണ് ടയറുകള് പൊട്ടിത്തെറിച്ചത് കണ്ടെത്തിയത്.
ലാൻഡിങ്ങിനു ശേഷമുള്ള പരിശോധനയിലാണ് ടയറുകൾ പൊട്ടിത്തെറിച്ചത് കണ്ടെത്തിയത്. നിലവിൽ വിമാനത്താവളത്തിന് അകത്തുള്ള യാത്രക്കാരെ മറ്റൊരു വിമാനം എത്തിച്ച് കരിപ്പൂരിലേക്ക് എത്തിക്കുമെന്നാണ് അറിയിച്ചിരിക്കുന്നത്. അതിനു സാധിച്ചില്ലെങ്കിൽ റോഡ് മാർഗം എത്തിക്കും.
അടിയന്തര ലാന്ഡിങ്ങിന് ശ്രമിച്ചതോടെ വിമാനത്താവളത്തില് സിഐഎസ്എഫ്, അഗ്നിരക്ഷാ സേന തുടങ്ങിയ വിഭാഗങ്ങള് സജ്ജരായി നിന്നിരുന്നു. എന്നാല് സുരക്ഷിതമായി ലാന്ഡ് ചെയ്യാനായി. അടിയന്തര സാഹചര്യം ഒഴിവായ ആശ്വാസത്തിലാണ് വിമാനത്താവള അധികൃതര്
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
