ആദ്യ ബലാത്സംഗ കേസില്‍ രാഹുല്‍ മാങ്കൂട്ടത്തില്‍ എം.എല്‍.എ െ്രെകംബ്രാഞ്ചിനു മുന്നില്‍ ഹൈക്കോടതിയുടെ കര്‍ശന നിര്‍ദേശത്തെത്തുടര്‍ന്ന് ഇന്നലെ ചോദ്യം ചെയ്യലിന് രാഹുല്‍ ഹാജരായിരുന്നു. നാളെയും ഹാജരാകാന്‍ അന്വേഷണ സംഘം ആവശ്യപ്പെട്ടിട്ടുണ്ട്. കേസില്‍ നേരത്തെ രാഹുലിന് ഹൈക്കോടതി ജാമ്യം അനുവദിച്ചിരുന്നു. ചോദ്യം ചെയ്യലിന് ഹാജരാകണമെന്നും നിര്‍ണായക തെളിവായ മൊബൈല്‍ ഫോണ്‍ പരിശോധനയ്ക്കായി കൈമാറണമെന്നും കോടതി നിര്‍ദ്ദേശിച്ചിരുന്നു.

ഇന്നലെ ഒന്‍പത് മണിക്കൂറോളമാണ് ചോദ്യം ചെയ്യല്‍ നീണ്ടത്. രാവിലെ ആരംഭിച്ച ചോദ്യംചെയ്യല്‍ വൈകിട്ടു നാലുവരെ നീണ്ടു. വൈദ്യപരിശോധനയ്ക്ക് ശേഷമാണ് രാഹുലിനെ വിട്ടയച്ചത്.

അതേസമയം, രാഹുല്‍ മാങ്കൂട്ടത്തില്‍ അന്വേഷണവുമായി കൃത്യമായി സഹകരിക്കുന്നില്ലെന്നാണ് െ്രെകംബ്രാഞ്ച് വൃത്തങ്ങള്‍ പറയുന്നത്. ചോദ്യങ്ങള്‍ക്ക് കൃത്യമായി മറുപടിയില്ല. പീഡനം നടന്നുവെന്ന് പറയുന്ന കാലയളവില്‍ രാഹുല്‍ ഉപയോഗിച്ചിരുന്ന ഫോണ്‍ ഹാജരാക്കാന്‍ അന്വേഷണ സംഘം ആവശ്യപ്പെട്ടിരുന്നു. എന്നാല്‍ ചില ഫോണുകള്‍ വിറ്റുവെന്നും ചിലത് നഷ്ടപ്പെട്ടുവെന്നുമാണ് രാഹുല്‍ പറയുന്നത്. എന്നാലിത് അന്വേഷണ സംഘം പൂര്‍ണമായി വിശ്വാസത്തിലെടുത്തിട്ടില്ലെന്നാണ് വിവരം.