ഇത്തവണയും യു.ഡി.എഫ് നിയമസഭാ തെരഞ്ഞെടുപ്പില്‍ വിജയിക്കുമെന്ന ഉറച്ച വിശ്വാസം പ്രകടിപ്പിച്ച് മുഖ്യമന്ത്രി ഉമ്മന്‍ ചാണ്ടി. എന്നാല്‍ എത്ര സീറ്റ് കിട്ടുമെന്ന് ഇപ്പോള്‍ പറയാനാവില്ല എന്നും സര്‍ക്കാരിന് ഭരണത്തുടര്‍ച്ചയുണ്ടാകും എന്നും അദ്ദേഹം വ്യക്തമാക്കി. മുഖ്യമന്ത്രിയാകുമോ എന്ന ചോദ്യത്തിന് അത് ഹൈക്കമാന്‍ഡ് തീരുമാനിക്കുമെന്നും ഉമ്മന്‍ ചാണ്ടി പറഞ്ഞു. എന്നാല്‍ മുഖ്യമന്ത്രിയാകാന്‍ താല്‍പര്യമുണ്ടോയെന്ന മാധ്യമപ്രവര്‍ത്തകരുടെ ചോദ്യത്തോട് അദ്ദേഹം മൗനം പാലിച്ചു.
ബി.ജെ.പി ഇത്തവണയും അക്കൗണ്ട് തുറക്കില്ല മാത്രമല്ല, 1977ല്‍ ഇടതുപക്ഷവുമായി ചേര്‍ന്ന് മത്സരിച്ചപ്പോഴും അവര്‍ക്ക് ജയിക്കാന്‍ കഴിഞ്ഞില്ല. എക്‌സിറ്റ് പോള്‍ ഫലങ്ങളിലൊന്നും താന്‍ വിശ്വസിക്കുന്നില്ല. ജനങ്ങള്‍ ചെയ്ത വോട്ടിലാണ് വിശ്വാസം. അത് യു.ഡി.എഫിന് അനുകൂലമായിരിക്കുമെന്നും പ്രതീക്ഷയുണ്ടെന്നും അദ്ദേഹം കൂട്ടിചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha