അച്ഛനെ വെടി വച്ച് കൊന്നതിനു ശേഷം കത്തിച്ചു പുഴയിലെറിഞ്ഞ കേസില് മകന് അറസ്റ്റില്
കാറിന്റെ എ.സി ശരിയാക്കാന് പോയ വഴി മകന് അച്ഛനെ വെടിവച്ചു കൊന്നു. അമേരിക്കയില് സ്ഥിര താമസമായിരുന്ന ചെങ്ങന്നൂര് വഴാര്മംഗലം ഉഴത്തില് വീട്ടില് ജോയ് ജോണ് (68) ആണ് കൊല്ലപ്പെട്ടത്. സംഭവത്തെ തുടര്ന്ന് മകന് ഷെറിന് ജോണിനെ പോലീസ് അറസ്റ്റു ചെയ്തു. കോട്ടയത്തെ ഹോട്ടലില് നിന്നാണ് ഷെറിന് അറസ്റ്റിലായത്. അമേരിക്കയില് സ്ഥിര താമസക്കാരനാണു ഷെറിന്. ഇയാള്ക്ക് അമേരിക്കാന് പൗരത്വമുള്ളതാണ്.
കഴിഞ്ഞ 25 നു കാറിന്റെ എ.സി. ശരിയാക്കാന് വീട്ടില് നിന്ന് ഒരുമിച്ച പോയ ഇവരെ 2 ദിവസമായി കാണാത്തതിനെ തുടര്ന്ന് ജോയിയുടെ ഭാര്യ നല്കിയ പരാതിയില് ചെങ്ങന്നൂര് പോലീസ് നടത്തിയ അന്വേഷണത്തിലാണ് മകനെ അറസ്റ്റു ചെയ്തത്. മാര്ക്കറ്റ് റോഡില് ജോയിയുടെ ഉടമസ്ഥതയിലുള്ള ഗൊഡൗണില് നടത്തിയ പരിശോധനയില് മാംസം കത്തിച്ചതിന്റെ അവശിഷ്ട്ടങ്ങളും ഭിത്തിയില് രക്തം പുരണ്ടതായും കണ്ടെത്തിയിരുന്നു.
മകന് ഇടയ്ക്ക് അമ്മയെ ഫോണ് വിളിച്ചത് കൊണ്ട് സംശയം തോന്നിയ പോലീസിന്റെ ഫോണ് പിന്തുടര്ന്നുള്ള അന്വേഷണത്തില് ഷെറിന് തിരുവല്ലയില് ഉണ്ടായിരുന്നതായി അറിയാന് കഴിഞ്ഞു. തിരുവല്ലയിലുള്ള ക്ലബ് സെവനിലെ സി.സി ടി. വി. ദൃശ്യത്തില് നിന്നും പോലീസ് ഇയാളെ തിരിച്ചറിഞ്ഞു. പിന്നീടു നടന്ന അന്വേഷണത്തിലാണ് ഷെറിനെ കോട്ടയത്തെ ഹോട്ടലില് നിന്ന് പിടി കൂടിയത്. വെടിവച്ചു കൊന്നതിനു ശേഷം ഷെറിന് പിതാവിനെ പെട്രോളൊഴിച്ചു കത്തിച്ചു. ചാക്കിലാക്കിയ അവശിഷ്ടങ്ങള് ഇയാള് തെളിവ് നശിപ്പിക്കുന്നതിനായി പുഴയിലെറിയുകയായിരുന്നു എന്ന് പോലീസിനോട് പറഞ്ഞു. പുഴയില് പോലീസ് തിരച്ചില് നടത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
