ഇന്ന് കടലിന്റെ അടിത്തട്ടിൽ മനുഷ്യർക്ക് എത്തിപ്പെടാൻ സാധിക്കാത്ത ഇടത്തിൽ ധാരാളം രഹസ്യങ്ങളും അത്ഭുതങ്ങളും മറഞ്ഞിരിപ്പുണ്ട് . അത്തരത്തിൽ ഒരു മത്സ്യമാണ് ഓർഫിഷ്. അപൂർവയിനം മീൻ തീരത്തടിഞ്ഞത് ആശങ്കയാകുന്നു. 'ഡൂംസ്‌ഡേ ഫിഷ്' എന്നറിയപ്പെടുന്ന രണ്ട് ഓർഫിഷ് മെക്‌സിക്കോയിലെ കാബോ സാൻ ലൂക്കാസിലെ തീരത്തടിഞ്ഞതാണ് ചർച്ചയാകുന്നത്. 30 അടിയാണ് ഇവയുടെ നീളം. 3000 അടിയോളം ആഴക്കടലിൽ മാത്രം കാണപ്പെടുന്ന ഇവ പ്രകൃതി ദുരന്തസമയങ്ങളിൽ മാത്രമാണ് പുറത്തേയ്ക്ക് വരുന്നതെന്നാണ് വിശ്വാസം.

ആഴം കുറഞ്ഞ പ്രദേശത്ത് ഇവർക്ക് ജീവിക്കാൻ ബുദ്ധിമുട്ടാണ്.തീരത്തുവന്ന രണ്ട് സഹോദരിമാരാണ് മീനിനെ കണ്ടതും വിവരം പുറത്തറിയിച്ചതും. മീനിന്റെ ദൃശ്യങ്ങൾ സഹോദരിമാരിലൊരാൾ പങ്കുവച്ചിട്ടുണ്ട്. മീനുകൾ തിരികെ കടലിലേയ്ക്ക് പോയതായും വീഡിയോയിൽ പറയുന്നുണ്ട്. എന്നാൽ ദൃശ്യത്തിൽ ഔദ്യോഗിക സ്ഥിരീകരണമുണ്ടായിട്ടില്ല.ഉപരിതലത്തിൽ വളരെ അപൂർവമായി മാത്രം കാണപ്പെടുന്ന ഓർഫിഷ് ഭൂകമ്പം, സുനാമി തുടങ്ങിയ ദുരന്തസമയങ്ങളിൽ മാത്രമാണ് പുറത്തേയ്ക്ക് വരുന്നതെന്നാണ് വിശ്വാസം.

എന്നാൽ ഇവയെ പ്രകൃതിദുരന്തങ്ങളുമായി ബന്ധിപ്പിക്കുന്നതിന് വ്യക്തമായ തെളിവില്ലെന്ന് ശാസ്ത്രജ്ഞർ പറയുന്നു.ലോകമെമ്പാടുമുള്ള പ്രകൃതിശാസ്ത്രജ്ഞരെയും അതിശയിപ്പിച്ചു. സാധാരണയായി ആഴക്കടലിൽ മാത്രം ജീവിക്കുന്നതും മനുഷ്യർക്ക് വളരെ അപൂർവമായി മാത്രം കാണാൻ കഴിയുന്നതുമായ രണ്ട് വൻ ഓർഫിഷുകൾ ഒരേ സമയം കരയ്ക്കരികിൽ പ്രത്യക്ഷപ്പെട്ടതാണ് ശ്രദ്ധ നേടിയത്.

ഏകദേശം 30 അടി വരെ നീളമുള്ള ഈ കടൽജീവികൾ പാമ്പിനെപ്പോലെയുള്ള നീണ്ട ശരീരവും വെള്ളി നിറമുള്ള തിളക്കമുള്ള തൊലിയുമുള്ളവയാണ്. സാധാരണയായി കടലിന്റെ ആഴത്തിലുള്ള മേഖലകളിൽ ജീവിക്കുന്ന ഇവ ഉപരിതലത്തിലേക്ക് എത്തുന്നത് വളരെ അപൂർവമായതിനാൽ, അവയെ കാണുന്ന ഓരോ സംഭവവും കൗതുകത്തോടെയും ആശങ്കയോടെയും ലോകം നിരീക്ഷിക്കുന്നു.