മുഖ്യമന്ത്രി പിണറായി വിജയന്റെ മകള്‍ വീണ വിജയനും മുന്‍ ഡിജിപി ആര്‍. ശ്രീലേഖയ്ക്കും എതിരെ ഡിജിപിക്ക് പരാതി. ​ഗതാ​ഗത മന്ത്രി കെ.ബി ​ഗണേഷ് കുമാറിനെതിരെ ഭാര്യ ഉയർത്തിയ ആരോപണങ്ങൾ ഗുരുതരമായ ഒരു കുറ്റം അറിഞ്ഞിട്ടും അത് മറച്ചുവെച്ചു എന്ന് ആരോപിച്ചാണ് യൂത്ത് കോണ്‍ഗ്രസ് വര്‍ക്കിംഗ് പ്രസിഡന്റ് ബിനു ചുള്ളിയില്‍ പരാതിയുമായി രംഗത്തെത്തിയത്. അതേസമയം, ഗണേഷ് കുമാറിനെതിരായ ആരോപണങ്ങളില്‍ മുഖ്യമന്ത്രി ഡി.ജി.പി.യോട് വിവരങ്ങള്‍ തേടിയിരുന്നു.

മന്ത്രിയുടെ വാളകത്തെ വീട്ടില്‍ ശനിയാഴ്ച നടന്ന സംഭവങ്ങളും പോലീസ് ഇടപെടലുകളും ഡി.ജി.പി. മുഖ്യമന്ത്രിയെ ധരിപ്പിച്ചു. ഭാര്യ പരാതി നല്‍കാത്തതിനാല്‍ കേസെടുത്തിട്ടില്ലെന്നും, കുടുംബ പ്രശ്‌നമായതിനാലാണ് പോലീസ് ഇടപെടാതിരുന്നതെന്നുമാണ് കൊല്ലം റൂറല്‍ എസ്.പി. ഡി.ജി.പിക്ക് നല്‍കിയ റിപ്പോര്‍ട്ടില്‍ വ്യക്തമാക്കുന്നത്. ഭാര്യ ബിന്ദു മേനോന്‍ പരാതിയില്‍ നിന്ന് പിന്മാറിയെങ്കിലും, സര്‍ക്കാരിന്റെ സമ്മര്‍ദം മൂലമാണ് പിന്മാറിയതെന്ന പ്രചാരണം തിരഞ്ഞെടുപ്പില്‍ ഉയര്‍ത്തപ്പെടുമെന്ന് വിലയിരുത്തപ്പെടുന്നു. സമാനമായ വിഷയത്തില്‍ ഉമ്മന്‍ചാണ്ടി സര്‍ക്കാരിന്റെ കാലത്ത് ഗണേഷിന്റെ രാജിക്കായി സമ്മര്‍ദം ചെലുത്തിയ സി.പി.എം. ഇപ്പോള്‍ മൗനം പാലിക്കുന്നത് പ്രതിപക്ഷം ആയുധമാക്കുന്നുണ്ട്.