അതിരപ്പിള്ളി ജലവൈദ്യുത പദ്ധതി വെള്ളച്ചാട്ടം തടസപ്പെടുത്താത്ത രീതിയില് നടപ്പാക്കണം : പിണറായി വിജയന്
അതിരപ്പിള്ളി ജലവൈദ്യുത പദ്ധതിയെ പിന്തുണച്ച് മുഖ്യമന്ത്രി പിണറായി വിജയന്. വെള്ളച്ചാട്ടം തടസപ്പെടുത്താത്ത രീതിയില് പദ്ധതി നടപ്പാക്കാം. ഇത് എല്ഡിഎഫ് യോഗത്തില് നേരത്തെ ചര്ച്ച ചെയ്തെടുത്ത തീരുമാനമാണ്. പദ്ധതി വെള്ളച്ചാട്ടത്തിന്റെ ഒഴുകിനെ തടസപ്പെടുത്തുന്നില്ലെന്നും പിണറായി പറഞ്ഞു. നദിയുടെ ഒഴുക്കിനെ തടസപ്പെടുത്തുന്നതില് മാത്രമാണ് ആശങ്കയെന്നും പിണറായി വിജയന് പറഞ്ഞു.
അതിരപ്പിള്ളി ജലവൈദ്യുത പദ്ധതിക്ക് അനുകൂലമായി വൈദ്യുത മന്ത്രി കടകംപള്ളി സുരേന്ദ്രന് നേരത്തെ മാധ്യമങ്ങളോട് സംസാരിച്ചിരുന്നു. കടകംപള്ളിയുടെ നടപടിയെ സിപിഐ സംസ്ഥാന സെക്രട്ടറി കാനം രാജേന്ദ്രന് വിമര്ശിച്ചിരുന്നു. എല്ഡിഎഫില് ചര്ച്ചചെയ്യാതെ മന്ത്രിമാര് പരസ്യപ്രസ്താവന നടത്തുന്നത് ശരിയല്ലെന്നാണ് കാനം പറഞ്ഞത്. ഇതിനുള്ള മറുപടി കൂടിയായിരുന്നു പിണറായി വിജയന്റെ അതിരപ്പിള്ളി പദ്ധതിയിലെ നിലപാട്. മന്ത്രിസഭയില് പറയേണ്ടത് മന്ത്രിസഭയിലും എല്ഡിഎഫില് പറയേണ്ടത് എല്ഡിഎഫിലും പറയുമെന്ന് പിണറായി പറഞ്ഞു. മന്ത്രിമാര് അവരുടെ വകുപ്പുകളെ കുറിച്ച് പ്രസ്താവന നടത്തുന്നതില് തെറ്റില്ലെന്നും പിണറായി പറഞ്ഞു.
മുല്ലപെരിയാര് ഡാമിന്റെ കാര്യത്തില് കേരളത്തിന് ഏകപക്ഷീയമായി തീരുമാനമെടുക്കാനാകില്ലെന്നും പിണറായി പറഞ്ഞു. പുതിയ ഡാം നിര്മ്മിക്കുന്നകാര്യം കേരളത്തിന് ഏകപക്ഷീയമായി തീരുമാനിക്കാനാകില്ല. മുല്ലപെരിയാര് ഡാമിന് ബലക്ഷയമില്ലെന്നാണ് വിദഗ്ധ സമിതി റിപ്പോര്ട്ട്. ഈ റിപ്പോര്ട്ടിന്റെ അടിസ്ഥാനത്തില് മാത്രമേ ചര്ച്ചനടത്താന് കഴിയൂ.
തമിഴ്നാടുമായി ഉപയകക്ഷി ചര്ച്ച നടത്തി പ്രശ്നപരിഹാരം കാണണമെന്നാണ് കേരളത്തിന്റെ നിലപാട്. ഉപയകക്ഷി ചര്ച്ചയില്ലൂടെയല്ലാതെ ഏകപക്ഷീയമായി തീരുമാനമെടുക്കാന് കഴിയുന്നതല്ല മുല്ലപെരിയാര് പ്രശ്നമെന്നും പിണറായി പറഞ്ഞു. തമിഴ്നാടുമായി ആലോചിച്ച് അണക്കെട്ട് നിര്മ്മിക്കാമെന്നാണ് കേരള നിയമസഭ പാസാക്കിയ പ്രമേയമെന്നും പിണറായി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
