ഇങ്ങനെയായിരിക്കണം സഖാക്കള്... മകളുടെ വിവാഹത്തിനയച്ച വില കൂടിയ പ്രസന്റേഷന് തിരിച്ചയച്ച് പിണറായി പറഞ്ഞത്...
മുഖ്യമന്ത്രി പിണറായി വിജയനെപ്പറ്റി, കേരളത്തിലും ഗള്ഫിലും വലിയ ഹോസ്പിറ്റല് ശൃംഖലയുടെ ഉടയമായ ഡോ. ആസാദ് മൂപ്പന് പറയുന്നത് ഏത് സഖാക്കളേയും ഇരുത്തി ചിന്തിപ്പിക്കുന്നതാണ്. മനോരമയുടെ നേരെ ചൊവ്വേയിലാണ് ഡോ. ആസാദ് മൂപ്പന് തന്റെ അനുഭവം പങ്കുവച്ചത്.
ഇപ്പോഴത്തെ മുഖ്യമന്ത്രി പിണറായി വിജയന്റെ മകളുടെ വിവാഹത്തിന് നല്കിയ സമ്മാനം അദ്ദേഹം തിരസ്ക്കരിച്ച വിവരം അദ്ദേഹം ഓര്മ്മിച്ചു. ഒരു സമ്മാനവുമായാണ് ഞാന് കടന്നു ചെന്നത്. ഒരു ആഭരണമായിരുന്നു അത്. അന്ന് പിണറായി വിജയന് പറഞ്ഞു, ഡോക്ടറേ, ആശിര്വാദം മതി. ഇതൊരു എക്സ്പന്സീവായ സമ്മാനമാണ്. ഇത് വേണ്ടാന്നു പറഞ്ഞ് തിരസ്കരിച്ചു. വിലകൂടിയ സമ്മാനമായതു കൊണ്ടാണ് അദ്ദേഹം അത് വാങ്ങാതിരുന്നതെന്നും ആസാദ് മൂപ്പന് പറഞ്ഞു.
ഉമ്മന് ചാണ്ടിയില് നിന്നും ഇത്തരമൊരു അനുഭവം ഉണ്ടായതായി ആസാദ് മൂപ്പന് പറഞ്ഞു. പിറവം ഉപതിരഞ്ഞെടുപ്പിന്റെ കാലത്ത് തന്നോട് തെരഞ്ഞെടുപ്പിലേക്കായി പണം ആവശ്യപ്പെട്ടിരുന്നു. അദ്ദേഹത്തിന്റെ പ്രൈവറ്റ് സെക്രട്ടറിയായിരുന്ന ആര്കെ തന്നെ വിളിച്ചു ചോദിച്ചപ്പോള് പണം നല്കി. എന്നാല്, വേറെ വഴിയില് പണം കിട്ടിയെന്ന് പറഞ്ഞ് നല്കിയ തുക തിരിച്ചു നല്കുകയായിരുന്നു. ഇത്തരം സംഭവങ്ങള് കേരളത്തിലേ നടക്കുകയൂള്ളൂവെന്നാണ് ആസാദ് മൂപ്പര് പറയുന്നത്.
കേരളം നിക്ഷേപസൗഹൃദ സംസ്ഥാനമാണെന്നും നിക്ഷേപം നടത്താനുള്ള മെത്തേഡ് അറിഞ്ഞാല് മാത്രം മതിയെന്നുമാണ് ആസാദ് മൂപ്പന് പറയുന്നത്. അതിസമ്പന്നരുടെ ലിസ്റ്റില് ഇടംപിടിച്ച മലയാളിയെന്ന നിലയില് പ്രത്യേകിച്ച് ഒന്നും തോന്നാറില്ലെന്നും ആസാദ് മൂപ്പന് പറയുന്നു. നിരവധി മലയാളികള്ക്ക് ജോലി നല്കുന്ന വ്യക്തിയെന്ന നിലിയല് അഭിമാനമുണ്ടെന്നും ആസാദ് മൂപ്പന് വ്യക്തമാക്കി.
മൂന്ന് മുഖ്യമന്ത്രിമാരില് നിന്നും തനിക്കുണ്ടായ അനുഭവം പങ്കുവച്ചാണ് ആസാദ് മൂപ്പര് കേരളത്തിലെ രാഷ്ട്രീയക്കാര്ക്ക് ഗുഡ് സര്ട്ടിഫിക്കറ്റ് നല്കിയത്. കോളേജ് കാലത്ത് എസ്എഫ്ഐ പ്രവര്ത്തകനായിരുന്ന താന് രാഷ്ട്രീയത്തെ നോക്കിക്കാണാറുണ്ടെന്നും ആസാദ് മൂപ്പന് പറയുന്നു. ഇ കെ നായനാരുമായും ഉമ്മന് ചാണ്ടിയും പിണറായിയുമായും നല്ല ബന്ധമാണ് ഉള്ളതെന്നാണ് അദ്ദേഹം വ്യക്തമാക്കുന്നത്.
https://www.facebook.com/Malayalivartha