രോഗഭീഷണി ഉയര്ത്തി തട്ടുകടകള്
ഭക്ഷണക്കര്യത്തില് ലാഭം മാത്രം നോക്കിയാല് വയറിന് പണികിട്ടും അതും കാര്യമായിത്തന്നെ. തട്ടുകടകള് കടുത്ത രോഗഭീഷണി ഉയര്ത്തുന്നതായും ആരോഗ്യകരമല്ലാത്ത ചുറ്റുപാടില് ഭക്ഷണം തയ്യാറാക്കുന്നതെന്നും വ്യാപക പരാതി. എന്നാല്, ആരോഗ്യവകുപ്പോ തദ്ദേശഭരണ സ്ഥാപനങ്ങളോ പരാതികള് പരിഗണിക്കുകയോ ഇത്തരം കടകള്ക്കെതിരെ നടപടി എടുക്കുകയോ ചെയ്യുന്നില്ല. ഇതര സംസ്ഥാനക്കാരടക്കം വഴിയോരങ്ങളില് വാഹനങ്ങളിലും ചെറിയ ഷെഡുകളിലും തട്ടുകടകള് ആരംഭിച്ചത്ഭാരിച്ച വാടകയും വൈദ്യുത ചാര്ജും കൊടുത്തു പ്രവര്ത്തിക്കുന്ന കടകളേക്കാള് അല്പം വിലക്കുറവുണ്ടെന്നതിനാല് വ്യാപകമായി പൊതുജനങ്ങള് തട്ടുകടകളില് നിന്നു ഭക്ഷണം കഴിക്കാറുണ്ട്. എന്നാല് തട്ടുകടകളിലെ ഭക്ഷണം പാകം ചെയ്യുന്നത് ആരോഗ്യകരമായ ചുറ്റുപാടില് അല്ലെന്നു പരക്കെ ആക്ഷേപമുണ്ട്. ഓടകള്ക്കു മുകളിലും വഴിയോരങ്ങളിലുമാണു പാചകം നടത്തുന്നത്. പലപ്പോഴും ഉപയോഗിക്കുന്ന വെള്ളം ശുദ്ധമാണോ എന്നു പരിശോധിക്കാറില്ല. വിലകുറഞ്ഞ വെട്ട് നെയ്യ് പോലെയുള്ള ഉപയോഗിക്കുന്നതിനാല് രോഗഭീഷണിയും കൂടുതലാണ്. തുടര്ച്ചയായി ഇത്തരം കടകളില് നിന്ന് ഭക്ഷണം കഴിക്കുന്നവര്ക്കു ഉദര രോഗങ്ങളും മറ്റും പിടിപെടാനുള്ള സാധ്യതയും കൂടുതലാണെന്നു ഹോട്ടല് വ്യാപാരികള് പറയുന്നു. തട്ടുകടകളിലെ ഭക്ഷണ പദാര്ഥങ്ങളില് ഉപയോഗിക്കുന്ന ചേരുവകള് കൃത്രിമമായി സാധനത്തിന്റെ രുചി വര്ധിപ്പിക്കുന്നതാണ്. മലിന ജലവും കക്കൂസ് മാലിന്യവും ഒഴുകുന്ന ഓടകള്ക്കു മുകളില് പോലും കച്ചവടം നടത്തുകയും സാധനങ്ങളില് രോഗവാഹികളായ ഈച്ചകളും പ്രാണികളും പറന്നിറങ്ങാറുണ്ട്. ഇത്തരം തട്ടുകടകള് നടത്തുന്നവരില് അധികവും കൂട്ടമായി താമസിക്കുകയും ഭക്ഷണ നിര്മ്മാണത്തിനാവശ്യമായ സാധനങ്ങള് മൊത്തമായി വാങ്ങുന്നവരുമാണ്. താമസ സ്ഥലത്തു കൂട്ടിയിട്ടിരിക്കുന്ന ഗോതമ്പ്പൊടി, മൈദ, ഉള്ളി, ഉരുളക്കിഴങ്ങ് എന്നിവയും സൂക്ഷിക്കുന്നതു ആരോഗ്യകരമായ ചുറ്റുപാടിലല്ല. കച്ചവടം നടത്തുന്ന ഭാഗങ്ങളില് ഭൂരിഭാഗവും മലമൂത്രവിസര്ജ്ജനം ചെയ്യുന്ന മതിലുകളോടു ചേര്ന്നാണ്. ഇവെയല്ലാം ചൂണ്ടിക്കാട്ടി അധികൃതര്ക്കു നിരവധി പരാതികള് നല്കിയെങ്കിലും ഇവര് പരാതി അവഗണിക്കുകയാണെന്നും നാട്ടുകാര് പറയുന്നു
https://www.facebook.com/Malayalivartha
