പ്രായം തളര്‍ത്താത്ത കാമഭ്രാന്ത്, മുള്ളൂര്‍ക്കര വാഴക്കോട് മണ്ണുവട്ടത്ത് ഒമ്പത് വര്‍ഷമായി വൃക്ക രോഗവും അര്‍ബുദവും ബാധിച്ച പട്ടികജാതിയില്‍പ്പെട്ട രോഗിയായ അന്‍പത്തഞ്ചുകാരിയെ വീട്ടില്‍ അതിക്രമിച്ചു കയറി പീഡിപ്പിച്ച കേസില്‍ അയല്‍വാസിക പോലീസ് അറസ്റ്റു ചെയ്തു. കൊണ്ടാഴി പ്ലാക്കില്‍ ഉമ്മര്‍ (59), ചിറക്കോട്ട് നാരായണന്‍ നായര്‍ (65) എന്നിവരാണ് അറസ്റ്റിലായത്. ബുധനാഴ്ച ഉച്ചയ്ക്കാണു കേസിന് ആസ്പദമായ സംഭവം നടന്നത്.

രോഗിയായ സ്ത്രീ മകളുടെ കുടുംബത്തോടൊപ്പമാണു താമസം. സ്ത്രീയും അഞ്ചര വയസുള്ള പേരക്കുട്ടിയും മാത്രമുള്ള സമയത്തു പ്രതികള്‍ പീഡിപ്പിക്കുകയായിരുന്നു. ഭര്‍ത്താവും മകളും മരുമകനും കൂലിവേലക്ക് പോയ സമയത്തായിരുന്നു പീഡനം. പേരക്കുട്ടി ഉറക്കെ കരഞ്ഞെങ്കിലും വാതില്‍ കുറ്റിയിട്ടതിനാല്‍ ആരും കേട്ടില്ല. മകള്‍ തിരിച്ചെത്തിയപ്പോള്‍ സ്ത്രീ അവശനിലയിലായിരുന്നു. വടക്കാഞ്ചേരി ജില്ലാ ആസ്?പത്രിയില്‍ പ്രവേശിപ്പിച്ച സ്ത്രീയെ മെഡിക്കല്‍ കോളേജിലേക്ക് അയച്ചു. പീഡനം നടന്നതായി ഡോക്ടര്‍മാര്‍ സ്ഥിരീകരിച്ചു. സ്ത്രീയുടെ ഭര്‍ത്താവില്‍നിന്നും ബന്ധുക്കളില്‍നിന്നും വടക്കാഞ്ചേരി സി.ഐ. സിനോജിന്റെ നേതൃത്വത്തിലുള്ള പോലീസ് മൊഴിയെടുത്തു.

ഉമ്മര്‍ സ്ത്രീയെ പീഡിപ്പിക്കുന്ന സമയത്തു നാരായണന്‍ നായര്‍ വീടിനു പുറത്തു കാവല്‍ നില്‍ക്കുകയായിരുന്നു വെന്നാണു സ്ത്രീയുടെ മൊഴി. ഉമ്മര്‍ പുറത്തിറങ്ങിയതിനു പിന്നാലെ സ്ത്രീയുടെ മകള്‍ വീട്ടിലെത്തി. ഇതോടെ രണ്ടു പേരും സ്ഥലം വിടുകയുമായിരുന്നുവെന്നു പൊലീസ് പറഞ്ഞു. നടന്ന സംഭവം മകളോടു പറഞ്ഞതിനെ തുടര്‍ന്ന് ഇരുവരും മുള്ളൂര്‍ക്കര പഞ്ചായത്ത് പ്രസിഡന്റ് എം.എച്ച്.അബ്ദുല്‍ സലാമിന്റെ നിര്‍ദേശപ്രകാരം വടക്കാഞ്ചേരി ജില്ലാ ആശുപത്രിയില്‍ എത്തിയെങ്കിലും അവിടെ നിന്നു മെഡിക്കല്‍ കോളജിലേക്കു റഫര്‍ ചെയ്തു.

കുന്നംകുളം ഡിവൈഎസ്പി പി.വിശ്വംഭരനും സിഐ ടി.എസ്.സിനോജുമാണു രണ്ടു പ്രതികളെയും വൈകിട്ട് പിടികൂടിയത്. പ്രതികളെ ഇന്നു ജില്ലാ സെഷന്‍സ് കോടതിയില്‍ ഹാജരാക്കുമെന്നു ഡിവൈഎസ്പി അറിയിച്ചു. പീഡനക്കേസ് ഒതുക്കിത്തീര്‍ക്കാന്‍ ശ്രമം നടന്നുവെന്ന് ആരോപിച്ചു കോണ്‍ഗ്രസ്, ബിജെപി പ്രവര്‍ത്തകര്‍ പ്രതിഷേധവുമായി രംഗത്തെത്തിയിരുന്നു. മെഡിക്കല്‍ കോളജ് ആശുപത്രിയില്‍ ചികില്‍സയില്‍ കഴിയുന്ന സ്ത്രീയെ മന്ത്രി എ.സി.മൊയ്തീന്‍, യു.ആര്‍.പ്രദീപ് എംഎല്‍എ എന്നിവര്‍ സന്ദര്‍ശിച്ചു. കുറ്റക്കാര്‍ക്കെതിരെ ശക്തമായ നടപടി സ്വീകരിക്കണമെന്നു മന്ത്രി പൊലീസിനു നിര്‍ദേശം നല്‍കി.