ബാബുറാം ആരാണ്..? ഓട്ടോയില് തുടങ്ങി കോടികളിലെത്തിയ പ്രതിഭ
ആരാണ് ബാബുറാം... കെ ബാബുവിന്റെ ബിനാമി എന്നതില് കവിഞ്ഞ് അദ്ദേഹത്തെ കുറിച്ച് നിങ്ങള്ക്കെന്തറിയാം?
ആലപ്പുഴ സ്വദേശിയാണ് ബാബുറാം. അദ്ദേഹം ഓട്ടോറിക്ഷാ ഡ്രൈവറായിരുന്നു. ബാബുറാം എറണാകുളത്തെത്തുന്നത് നഗരത്തിലെ നിരത്തുകളില് ഭാഗ്യം അന്വേഷിച്ചാണ്. ഓട്ടോറിക്ഷ ഓടിക്കുന്നതില് നിന്നും ലഭിക്കുന്ന ഇടവേളകളില് അദ്ദേഹം യൂത്ത് കോണ്ഗ്രസില് പ്രവര്ത്തനം ആരംഭിച്ചു. എറണാകുളത്ത് എല്ലാവരും യുഡിഎഫുകാരാണ്. രാഷ്ട്രീയ പ്രവര്ത്തനത്തില് സജീവമായാല് ഓട്ടം കുടുതല് കിട്ടുമല്ലോ എന്നത് മാത്രമായിരുന്നു ബാബുറാമിന്റെ പ്രതീക്ഷ. യൂത്ത് കോണ്ഗ്രസ് പ്രവര്ത്തകനായി തുടങ്ങി മണ്ഡലം സെക്രട്ടറിയായതോടെയാണ് ബാബുറാമില് ഭാഗ്യം ടോര്ച്ചടിച്ചു തുടങ്ങിയത്. ഭാഗ്യം വന്നത് കെ ബാബുവിന്റെ രൂപത്തിലായിരുന്നു. അക്കാലത്ത് എറണാകുളത്തെ എ ഗ്രൂപ്പില് പ്രമുഖനായിരുന്നു കെ ബാബു. എവര്ക്കും സ്വീകാര്യന്.
ബാബുറാം കെ ബാബുവിന്റെ ശിഷ്യനായി ഒപ്പം കൂടി. ശിഷ്യന് എന്നു വെറുതെ പറഞ്ഞാല് പോരാ. ഉറ്റ ശിഷ്യന്. കെ ബാബുവിനെ പോലൊരു പബ്ളിക് ഫിഗറുമായി സ്നേഹബന്ധം ഉണ്ടാക്കിയാല് അത് ഗുണം ചെയ്യുമെന്ന് ബാബുറാം കരുതി. ബാബുവാകട്ടെ വിശ്വസ്തനായ ഭൃത്യനായി ബാബുറാമിനെ ഒപ്പം കൂട്ടി. കെ. ബാബു പതിയെ വളര്ന്നു. എംഎല്എയായി, എംഎല്എയ്ക്ക് കോടി കണക്കിന് രൂപയുടെ സര്ക്കാര് ഫണ്ടുണ്ട്. അതെല്ലാം കൈകാര്യം ചെയ്തിരുന്നത് ബാബുറാമാണ്. പ്രാദേശിക കോണ്ഗ്രസ് നേതാക്കളെയൊന്നും കെ. ബാബു സാമ്പത്തിക കാര്യങ്ങളില് അടുപ്പിച്ചില്ല. ഇതിനിടയില് കെ. ബാബുവിന്റെ അടുക്കളകാര്യങ്ങളിലും ബാബുറാം സജീവമായി.
ഇന്ന് ബാബുറാമിന് എറണാകുളം നഗരത്തില് മാത്രം 40 ഇടങ്ങളില് സ്ഥലമുണ്ട്. വളര്ച്ചയുടെ ഏതോ ഘട്ടത്തില് ബാബുറാം ഓട്ടോറിക്ഷ ഉപേക്ഷിച്ചു. കെ. ബാബുവിന്റെ സന്തത സാഹചചാരിയായി. ഫലത്തില് ബാബുവിന് ബാബുറാമിനെ മാത്രമാണ് വിശ്വാസം എന്ന അവസ്ഥ കൈവന്നു. ബാബുറാമാകട്ടെ അന്നുമിന്നും കെ ബാബുവിന്റെ വിശ്വസ്തത അനുയായിയായി തുടരുന്നു. ആര്ക്കും തകര്ക്കാന് പറ്റാത്ത വിശ്വാസം എന്നു വേണമെങ്കില് പറയാം.
കെ ബാബു മക്കളെ കെട്ടിച്ചത് 200 ലേറെ പവന് വീതം നല്കിയാണ്. ബാബുറാമാണെങ്കില് തീരെ പാവവുമാണ്. അപ്പോള് പണമെല്ലാം വന്നത് എവിടെന്നാണ് അന്വേഷിക്കേണ്ടത്. ബാബുറാമിനെ കുറിച്ചുള്ള എല്ലാ അന്വേഷണങ്ങളും ബാബുവില് ചെന്നു നില്ക്കും.
https://www.facebook.com/Malayalivartha
