മാധ്യമവിലക്ക് പരിഹരിക്കാന് കൂടുതല് സമയം വേണമെന്ന് ഹൈക്കോടതി
കോടതികളിലെ മാധ്യമ വിലക്ക് സംബന്ധിച്ച പ്രശ്നം പരിഹരിക്കാന് കൂടുതല് സമയം വേണമെന്ന് ഹൈക്കോടതി. നാലാഴ്ച സമയമാണ് ഹൈക്കോടതി സുപ്രീംകോടതിയില് ആവശ്യപ്പെട്ടത്. മാധ്യമപ്രവര്ത്തകര്ക്ക് കോടതികളില് വിലക്കില്ലെന്നും ഹൈക്കോടതി വ്യക്തമാക്കി. അതേസമയം മീഡിയാ റൂം തുറക്കുന്നത് ചില എതിര്പ്പുകളുണ്ടെന്നും ഹൈക്കോടതി വ്യക്തമാക്കി.
കേരള പത്രപ്രവര്ത്തക യൂണിയന് ആണ് മാധ്യമവിലക്കിനെതിരെ സുപ്രീംകോടതിയെ സമീപിച്ചത്. മുതിര്ന്ന അഭിഭാഷന് കബില് സിബല് ആണ് പത്രപ്രവര്ത്തക യൂണിയന് വേണ്ടി കോടതിയില് ഹാജരായത്. കേസ് നവംബര് ഏഴിന് വീണ്ടും പരിഗണിക്കും.
മാദ്ധ്യമ പ്രവര്ത്തകരുമായുള്ള പ്രശ്നം പരിഹരിക്കാന് ചീഫ് ജസ്റ്റിസിന്റേയും മുഖ്യമന്ത്രിയുടേയും നേതൃത്വത്തില് പലതവലണ ചര്ച്ച നര്ന്നിരുന്നു. എന്നാല് പ്രശ്നത്തിന് പൂര്ണ പരിഹാരമായിട്ടില്ല. ഹൈക്കോടതിയിലെ മീഡിയ റൂം തുറക്കുന്നത് സംബന്ധിച്ച് അഭിഭാഷകരുടെ എതിര്പ്പ് നിലനില്ക്കുന്നുണ്ട്. ഇത് പരിഹരിക്കുന്നതിന് കൂടുതല് സമയം ആവശ്യമാണെന്നും ഹൈക്കോടതി രജിസ്ട്രാറിനു വേണ്ടി ഹാജരായ മുതിര്ന്ന അഭിഭാഷകന് വി.ഗിരി സുപ്രീംകോടതിയെ അറിയിച്ചു. എന്നാല്, മീഡിയ റൂം മാദ്ധ്യമങ്ങള്ക്കുള്ള സൗകര്യമല്ലേ, അത് തുറക്കുന്നതില് എന്താണ് പ്രശ്നമെന്ന് കേസ് പരിഗണിച്ച ജസ്റ്റിസ് യു.യു.ലളിത് ചോദിച്ചു.
പ്രശ്നം കൂടുതല് നീട്ടിക്കൊണ്ടു പോവരുതെന്ന് പത്രപ്രവര്ത്തക യൂണിയന് വേണ്ടി ഹാജരായ മുതിര്ന്ന അഭിഭാഷകന് കപില് സിബല് ആവശ്യപ്പെട്ടു. തുടര്ന്ന് കേസ് നവംബര് ഏഴിന് പരിഗണിക്കാനായി കോടതി മാറ്റുകയായിരുന്നു.
നിര്ഭയമായി വാര്ത്തകള് ശേഖരിക്കാന് അടിയന്തിരമായി ഇടപെടണമെന്നാണ് ഹര്ജിയിലെ പ്രധാന ആവശ്യം. കോടതിമുറിയിലും പരിസരത്തും മാദ്ധ്യമങ്ങള്ക്ക് വിലക്കേര്പ്പെടുത്തുന്നത് ഭരണഘടന ഉറപ്പ് നല്കുന്ന മൗലികാവകാശങ്ങളുടെ ലംഘനമാണെന്നും ഹൈക്കോടതിയിലെയും കീഴ്ക്കോടതികളിലെയും അടച്ചിട്ട മീഡിയ റൂമുകള് തുറക്കാന് ഹൈക്കോടതി രജിസ്ട്രാര്ക്ക് നിര്ദ്ദേശം നല്കണമെന്നും അഡ്വ. വില്സ് മാത്യു മുഖേന നല്കിയ ഹര്ജിയില് കേരള പത്രപ്രവര്ത്തക യൂണിയന് ആവശ്യപ്പെട്ടിട്ടുണ്ട്. കേസില് രജിസ്ട്രാര്ക്ക് പുറമേ സംസ്ഥാന സര്ക്കാരിനെയും പ്രസ് കൗണ്സില് ഒഫ് ഇന്ത്യയെയും കക്ഷി ചേര്ത്തിട്ടുണ്ട്.
https://www.facebook.com/Malayalivartha
