കെഎസ്ആര്ടിസി ബസ് ഡ്രൈവര്മാരില് 30 ശതമാനം മദ്യപിച്ച് വണ്ടിയോടിക്കുന്നവര്
കെഎസ്ആര്ടിസി ഡ്രൈവര്മാരില് 30 ശതമാനം മദ്യപിച്ച് ബസോടിക്കുന്നവരാണെന്ന് സംശയം. ഇക്കഴിഞ്ഞ ദിവസം തിരുവനന്തപുരത്തെ പാപ്പനംകോട്ട് അധ്യാപിക ബസിനടിയില്പെട്ട് മരിച്ചതാണ് തിരുവനന്തപുരത്ത് ഉണ്ടായ ഒടുവിലത്തെ ദുരന്തം. ഓരോ ദിവസവും സംസ്ഥാനത്ത് അന്പതോളം പേരാണ് ബസിടിച്ച് മരിക്കുകയോ പരിക്കേല്ക്കുകയോ ചെയ്യുന്നത്. തീര്ത്തും അശ്രദ്ധയമായിട്ടാണ് കെഎസ്ആര്ടിസി ഡ്രൈവര്മാര് വാഹനമോടിക്കുന്നത്. ആനവണ്ടി കാണുമ്പോള് ചെറുവാഹനങ്ങള് ഓടി മറഞ്ഞില്ലെങ്കില് പുലിമുരുകനിലെ രംഗങ്ങള് ആവര്ത്തിച്ചെന്നിരിക്കും.
ദീര്ഘ ദൂര വാഹനങ്ങളിലെ ഡ്രൈവര്മാര് മദ്യപിച്ച് വാഹനം ഓടിക്കുന്ന സംഭവങ്ങള് നേരത്തെയും റിപ്പോര്ട്ട് ചെയ്തിട്ടുണ്ട്. ചിലരെ പിടികൂടിയിട്ടുണ്ട്. എന്നാല് ഒരു നടപടിയും ഇതേവരെയുണ്ടായിട്ടില്ല. കേരളകൗമുദിയില് കഴിഞ്ഞ ദിവസങ്ങളില് ഇതു സംബന്ധിച്ച് വന്ന വാര്ത്തകള് ഡ്രൈവര്മാര്ക്കിടയില് വന് ചേരിതിരിവിന് കാരണമായി. കെഎസ്ആര്ടിസി ബസുകള്ക്ക് പിന്നില് കേരളകൗമുദിക്കെതിരെ പോസ്റ്ററുകളും പ്രത്യക്ഷപ്പെട്ടു. മദ്യലഹരിയിലാണ് പലപ്പോഴും രാവിലെയെത്തുന്ന ഡ്രൈവര്മാര് വാഹനം ഓടിക്കാറുള്ളത്. തലേന്നത്തെ ഹാങ്ഓവറില് വാഹനം ഓടിക്കുന്ന ഇവരുടെ അശ്രദ്ധ കാരണം നൂറുകണക്കിനു ജീവനുകളാണ് പൊലിയുന്നത്.
അതിനിടെ സാങ്കേതിക തകരാറുള്ള ബസുകള് ഓടിക്കാന് തങ്ങളെ കോര്പ്പറേഷന് നിര്ബന്ധിക്കുകയാണെന്ന ആരോപണവുമായി ചില ഡ്രൈവര്മാരും രംഗത്തെത്തിയിട്ടുണ്ട്. അതൊരു പക്ഷേ ശരിയായിരിക്കും. കാരണം നിരവധി വാഹനങ്ങള്ക്ക് സാങ്കേതിക തകരാര് കണ്ടെത്തിയിട്ടുണ്ട്. എന്നാല് ഡ്രൈവര്മാരുടെ അലംഭാവത്തിനാണ് മുന്തൂക്കം. കെഎസ്ആര്ടിസി ബസുകളഅ# ഓടിക്കുന്നത് കണ്ടാല് ഭയന്നുപോകും, വീതിയേറിയ റോഡില് പോലും ഇവര് ഒത്ത നടുക്കാണ് വാഹനം നിര്ത്തുന്നത്. ആരെങ്കിലും ചോദ്യം ചെയ്താല് അവര്ക്കെതിരെ കേസെടുക്കുകയും ചെയ്യും,വാഹനാപകടങ്ങള്ക്ക് സാധാരണ മനപൂര്വ്വമല്ലാത്ത നരഹത്യയാണ് ചാര്ജ് ചെയ്യാറുള്ളത്. ഇത്തരം കേസുകളില് നിന്നും ആര്ക്കും ഊരിപോകാവുന്നതേയുള്ളൂ. കെഎസ്ആര്ടിസി ഡ്രൈവര്മാരുടെ കാര്യത്തില് കേസ് സര്ക്കാര് നടത്തുകയും ചെയ്യും. ഇത്തരം കേസുകളില് കര്ശനമായ ശിക്ഷ നടപ്പാക്കുകയും പ്രതികളെ റിമാന്ഡ്ചെയ്യാന് നിയമവും വേണം. കുറച്ചുദിവസം അകത്തുകിടന്നാല് തീരാവുന്ന പ്രശ്നമേ പലര്ക്കും ഉള്ളൂ. ഇപ്പോള് കൂളായി ഇറങ്ങി പിറ്റേദിവസവും ആളിനെ കൊല്ലും ഇതിനൊരറുതിവരുത്തിയേ പറ്റൂ.
https://www.facebook.com/Malayalivartha
