കൈയില് തോക്കുണ്ടോയെന്ന് പിസി ജോര്ജിനോട് വിദ്യാര്ഥികള്; ഫുള് ലോഡ് തോക്ക് പുറത്തെടുത്ത് മറുപടി
പൂഞ്ഞാര് പുലി തോക്കെടുത്തി അതും പരസ്യമായി. എപ്പോഴും കൈയില് തോക്കുമായാണോ യാത്രയെന്ന് പൂഞ്ഞാര് എംഎല്എ പിസി ജോര്ജിനോട് ഒരു കോളജ് വിദ്യാര്ഥിയുടെ ചോദ്യം. ഉടന് പിഎയെ വിട്ട് കാറില് നിന്നു കൈത്തോക്ക് വേദിയില് കൊണ്ടുവന്ന് ഉയര്ത്തിക്കാണിച്ചാണ് പിസി ഇതിന് മറുപടി നല്കിയത്.
എരുമേലി എംഇഎസ് കോളജ് സംഘടിപ്പിച്ച പമ്പഎരുമേലി ത്രിദിന ശുചീകരണ ക്യാമ്പിന്റെ ഉദ്ഘാടനം നിര്വഹിച്ചപ്പോഴാണ് പിസി ജോര്ജ് സ്വന്തം പിസ്റ്റള് വേദിയില് ഉയര്ത്തിക്കാട്ടിയത്. പിസിയുടെ കൈയില് എപ്പോഴും തോക്കുണ്ടെന്ന് രാഷ്ട്രീയ എതിരാളികള് പറയുന്നതില് വാസ്തവമുണ്ടായെന്നാണ് വിദ്യാര്ഥി ചോദിച്ചത്. ഈ തോക്ക് ഫുള് ലോഡഡ് ആണെന്നും ആറ് ബുള്ളറ്റുകള് നിറച്ചിട്ടുണ്ടെന്നും അദ്ദേഹം പറഞ്ഞു. ജനങ്ങളാണ് തന്റെ അധിപരെന്നും അവരുടെ സംരക്ഷകരാണ് ജനപ്രതിനിധികളെന്നും ഈ രാജ്യം തകര്ക്കാന് ആരേയും അനുവദിക്കരുതെന്നും പറഞ്ഞ അദ്ദേഹം ഏറ്റവും മാലിന്യം തിന്മകളാണെന്നും അഭിപ്രായപ്പെട്ടു.
കോളേജ് ചെയര്മാന് പിപി അബ്ദുള് കരിം അധ്യക്ഷത വഹിച്ചു. പമ്പാ ഫോറസ്റ്റ് റേഞ്ച് ഓഫീസര് എന് അശോകന്, വാര്ഡ് അംഗം കെകെ രാജീവ് തുടങ്ങിയവര് പങ്കെടുത്തു. മഹാത്മാ ഗാന്ധി സര്വ്വകലാശാലയിലെ 80ഓളം അഫലിയേറ്റഡ് കോളേജുകളിലെ വിദ്യാര്ത്ഥികളുടെ നേതൃത്വത്തിലായിരുന്നു ശുചീകരണം
https://www.facebook.com/Malayalivartha
