ഇടതു മുന്നണിയുടെ മന്ത്രിസഭാ പുനഃസംഘടനയ്‌ക്കെതിരെ വിമര്‍ശനങ്ങളുമായി പ്രതിപക്ഷ നേതാവ് രമേശ് ചെന്നിത്തല. സഹപ്രവര്‍ത്തകര്‍ കാര്യക്ഷമത ഇല്ലാത്തവരാണെന്നുളള മുഖ്യമന്ത്രി പിണറായി വിജയന്റെ തുറന്നു പറച്ചിലാണ് വകുപ്പുമാറ്റവും പുനഃസംഘടനയും എന്ന് ചെന്നിത്തല പറഞ്ഞു.

എല്‍ഡിഎഫിന്റെ ഭരണ പരാജയത്തിന്റെ തെളിവാണിത്. വിവാദ പ്രസ്താവനയില്‍ ഇപ്പോഴും ഉറച്ച് നില്‍ക്കുന്നുണ്ടോ എന്ന് എംഎം മണി വ്യക്തമാക്കണമെന്നും തൊഴുത്തു മാറ്റിക്കെട്ടിയാലൊന്നും ഇടതുമുന്നണിയുടെ മുഖം നന്നാകില്ലെന്നും പ്രതിപക്ഷ നേതാവ് പറഞ്ഞു.
ഇപി ജയരാജന്‍ രാജി വെച്ച ഒഴിവിലേക്കാണ് സിപിഎം സംസ്ഥാനക്കമ്മിറ്റി അംഗവും ഉടുമ്ബന്‍ചോല എംഎല്‍എയുമായ എംഎം മണിയ്ക്ക് നറുക്ക് വീണത്.

വൈദ്യുതി വകുപ്പായിരുയ്ക്കും മണിയാശാന് ലഭിയക്കുക. ഇപി ജയരാജന്‍ കൈകാര്യം ചെയ്തിരുന്ന വ്യവസായ വകുപ്പ് മന്ത്രി എസി മൊയ്തീനാവും ഇനി ഭരിയ്ക്കുക. വൈദ്യുതി വകുപ്പ് ഭരിച്ചിരുന്ന കടകംപള്ളിയ്ക്ക് ഇനി സഹകരണ വകുപ്പിന്റെ ചുമതലയായിരിയ്ക്കും.