ഇങ്ങനെ പോയാല് ലോട്ടറി കച്ചവടം പൂട്ടേണ്ടി വരും; ശരിയാക്കിയെടുക്കാന് സമിതി
ടിക്കറ്റില് കൂടുതല് സുരക്ഷാമാനദണ്ഡങ്ങള് ഉള്പ്പെടുത്തിയും നടത്തിപ്പും നറുക്കെടുപ്പും കൂടുതല് മെച്ചപ്പെടുത്തിയും സംസ്ഥാനഭാഗ്യക്കുറി കൃത്രിമവും ക്രമക്കേടുകളും ഇല്ലാതെ കുറ്റമറ്റതാക്കാന് വിദഗ്ധസമിതിയെ സര്ക്കാര് നിയമിച്ചു. മൂന്നാഴ്ചയ്ക്കുള്ളില് സമിതി റിപ്പോര്ട്ട് സമര്പ്പിക്കും.
എന്ജിനീയറിങ് കോളജ് മുന് പ്രിന്സിപ്പല് പ്രഫ: ജി. ജയശങ്കര് ചെയര്മാനായ കമ്മിറ്റിയില് കേരളസര്വകലാശാലയിലെ കംപ്യൂട്ടേഷണല് ബയോളജി, ബയോഇന്ഫോമാറ്റിക്സ് വിഭാഗം മേധാവി ഡോ: അച്യുത്ശങ്കര് എസ്. നായര്, സി-ഡിറ്റ് ജോയിന്റ് ഡയറക്ടര് ഡോ: പി.വി. ഉണ്ണിക്കൃഷ്ണന്, അച്ചടിസ്ഥാപനമായ കെബിപിഎസിന്റെ ഡയറക്ടര് ടോമിന് ജെ. തച്ചങ്കരി എന്നിവര് അംഗങ്ങളാണ്. സംസ്ഥാന ലോട്ടറി ഡയറക്ടര് ഡോ: എസ്. കാര്ത്തികേയനാണ് കണ്വീനര്.
സുരക്ഷ, നറുക്കെടുപ്പ്, സംരംഭ വിഭവാസൂത്രണ സംവിധാനം എന്നിവയെ ബന്ധിപ്പിക്കുന്ന സോഫ്റ്റ്വെയര് വികസിപ്പിക്കുക, ഭാഗ്യക്കുറിയുടെ നടത്തിപ്പും സുരക്ഷയും നറുക്കെടുപ്പുരീതിയും മെച്ചപ്പെടുത്താനുള്ള മാര്ഗങ്ങള് ആവിഷ്ക്കരിക്കുക എന്നിവയാണ് സമിതിയുടെ ഉത്തരവാദിത്തം. ഇക്കാര്യങ്ങള്ക്കുള്ള ചെലവിന്റെ കാര്യമടക്കം സമിതി പരിശോധിക്കും.
https://www.facebook.com/Malayalivartha
