ഒന്നും കാണാതെ പിണറായി വിജയന് മണിയാശാനെ മന്ത്രിയാക്കില്ലെന്നു വെള്ളാപ്പള്ളി
ഉള്ളിന്റെയുള്ളില് താന് ഒരു ഈഴവനാണെന്ന് എം.എം മണി തന്നോട് പറഞ്ഞിട്ടുണ്ടെന്ന് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. ഹൈറേഞ്ചുകാരുടെ മണിയാശാന് കേരളത്തിന്റെ പൊതുസ്വത്തായി തീര്ന്നതില് അഭിമാനമുണ്ടെന്നും അദ്ദേഹം പറഞ്ഞു. വൈദ്യുതി മന്ത്രിയായി ചുമതലയേറ്റ എംഎം മണിയെ പുകഴ്ത്തി വെള്ളപ്പള്ളി നടേശന് രംഗത്തെത്തി. എസ്എന്ഡിപി നെടുങ്കണ്ടം പച്ചടി ശ്രീധരന് സ്മാരക യൂണിയന് ഉദ്ഘാടനത്തിന് എത്തിയപ്പോഴാണ് നിലപാടു മാറ്റിയുള്ള വെള്ളാപ്പള്ളിയുടെ ഈ പുകഴ്ത്തല്.
കരുത്തനും മിടുക്കനുമാണ് എം.എം മണി. ഒന്നും കാണാതെ പിണറായി വിജയന് മണിയാശാനെ മന്ത്രിയാക്കില്ലെന്നും വെള്ളാപ്പള്ളി പറഞ്ഞു.
വിദ്യാഭ്യാസത്തെക്കാള് കൂര്മ്മബുദ്ധിയും ഇച്ഛാശക്തിയുമാണ് വേണ്ടതെന്നും അദ്ദേഹം പറഞ്ഞു. മണിയാശാനെ ജയിലില് അടച്ചപ്പോള് താന് എതിര്ത്തെന്നും അദ്ദേഹം വ്യക്തമാക്കി. ഞങ്ങള് തമ്മില് ഒരു പ്രശ്നവുമില്ല. അദ്ദേഹം സ്വന്തം ഭാഷയില് ചീത്ത പറഞ്ഞപ്പോള് തന്റെതായ ഭാഷയില് അതിന് മറുപടി പറഞ്ഞുവെന്നേയുള്ളുവെന്നും വെള്ളാപ്പള്ളി വിശദമാക്കി.
കഴിഞ്ഞ നിയമസഭാ തിരഞ്ഞെടുപ്പില് പ്രചരണത്തിനായി ഇടുക്കിയില് എത്തിയ വെള്ളാപ്പള്ളി എംഎം മണിയെ കരിങ്കുരങ്ങെന്നും കരിംഭൂതമെന്നും വിളിച്ച് അധിക്ഷേപിച്ചത് വിവാദമായിരുന്നു.
https://www.facebook.com/Malayalivartha
