ഈ വര്‍ഷത്തെ അവസാനത്തെ ഡിങ്ക പൗര്‍ണമി ഇന്ന്.. എല്ലാവരും ഒത്തുചേരുക' എന്ന ഒരു പോസ്റ്റര്‍ സോഷ്യല്‍മീഡിയയില്‍ വരുവാന്‍ തുടങ്ങിയിട്ട് കുറച്ച് ദിവസങ്ങളായി, എല്ലാവരും വളരെ കൗതുകത്തോടെ ടാഗോര്‍ തീയറ്ററില്‍ എത്തി.

സമയം നാല് മണി കഴിപ്പോള്‍ കുറെ പേര്‍ ചേര്‍ന്ന് കുറച്ച് ഇഷ്ടിക ഒക്കെ പെറുക്കി കൂട്ടി പൊങ്കാല അടുപ്പുകള്‍ ഉണ്ടാക്കുന്നു. അതും നടുറോട്ടില്‍ പിന്നീട് കലം ഒക്കെ വച്ച് ശരിക്കും ഒരു പൊങ്കാല തന്നെയുണ്ടാക്കി.

എന്നാല്‍ ശരിക്കും പൊങ്കാല അപ്പോള്‍ ആയിരുന്നില്ല. യഥാര്‍ത്ഥ പൊങ്കാല പിന്നീട് ആയിരുന്നു. ഡിങ്ക സൂക്തങ്ങള്‍ പാടി തുടങ്ങിയപ്പോള്‍ ചിലര്‍ക്ക് പിടിച്ചില്ല. ഡിങ്ക സൂക്തങ്ങള്‍ എല്ലാവരും നിര്‍ബന്ധമായും ഏറ്റു പാടണം എന്ന് പറഞ്ഞപ്പോള്‍ മറ്റു കണ്ടു നിന്ന ഡിങ്ക സ്‌നേഹികള്‍ പറഞ്ഞു, ഡിങ്കന്‍ ആരെയും നിര്‍ബന്ധിച്ചു ഒന്നും ചെയ്യിക്കാറില്ല. അങ്ങനെ അടിയുടെ ഉന്തും തള്ളിന്റെയും പൊങ്കാല. അവസാനം എല്ലാം ഡിങ്ക മായയാണെന്നു പറഞ്ഞു എല്ലാവരെയും ഞെട്ടിച്ചു.

നേരത്തെ പ്ലാന്‍ ചെയ്ത പരിപാടികള്‍ ആണ് എല്ലാം. ആരെയും നിര്‍ബന്ധിച്ചു ഒന്നും ചെയ്യിക്കരുത്, അത് മതം ആയാലും ദേശസ്‌നേഹം ആയാലും ദേശിയ ഗാനം ആയാലും. അതായിരുന്നു ഡിങ്കന്മാര്‍ കണ്ട സ്വപ്നം എന്ന് ഡിങ്ക മുഖ്യ പ്രചാരക് പ്രേം ശങ്കര്‍ പറഞ്ഞു . എന്തായാലും ഡിങ്കാലാല വന്‍ വിജയമായിരുന്നു എന്ന് ഡെലിഗേറ്റുകള്‍ പറഞ്ഞു.