നാട്ടകം പൊളിടെക്നിക്ക് കോളജ് റാഗിങ്ങ് കേസിലെ അഞ്ച് പ്രതികള്‍ കീഴടങ്ങി, മൂന്ന് പേർ ഒളിവിൽ
നാട്ടകം പൊളിടെക്നിക്ക് കോളജ് റാഗിങ്ങ് കേസിലെ അഞ്ച് പ്രതികള്‍ കീഴടങ്ങി. ചങ്ങനാശേരി ഡിവൈഎസ്പി ഓഫീസിലാണ് പ്രതികള്‍ കീഴടങ്ങിയത്. ഇവരെ നാളെ കോടതിയില്‍ ഹാജരാക്കും. ചാലക്കുടി സ്വദേശി റെയ്സണ്‍, വണ്ടിപ്പെരിയാര്‍ സ്വദേശി മനു, എറണാകുളം സ്വദേശികളായ ജെറിന്‍, ശരണ്‍ എന്നിവരാണ് കീഴടങ്ങിയത്.
രാത്രി ഏഴരയോടെ മാതാപിതാക്കള്‍ക്ക് ഒപ്പമെത്തിയായിരുന്നു പ്രതികളുടെ കീഴടങ്ങല്‍. പ്രതികള്‍ക്കെതിരെ വധശ്രമം, പട്ടികജാതിക്കാര്‍ക്കെതിരെയുള്ള അക്രമണം, റാഗിങ് വിരുദ്ധ നിയമം, എന്നീ വകുപ്പുകള്‍ പ്രകാരം പ്രകാരം കേസെടുത്തു. ഇവരെ നാളെ കോടതിയില്‍ ഹാജരാക്കും. കേസില്‍ പ്രതികളായ കോട്ടയം സ്വദേശി അഭിലാഷ്, കൊല്ലം സ്വദേശികായ പ്രവീണ്‍, നിതിന്‍ എന്നിവര്‍ ഒളിലാണ്.
ചങ്ങനാശേരി സിഐ ബിനു വര്‍ഗീസ്, ചിങ്ങവനം എസ് ഐ എം.എസ് ഷിബു എന്നിവരടങ്ങുന്ന സംഘത്തിനാണ് അന്വഷണ ചുമതല. എബിവിപി യുവമോര്‍ച്ച പ്രവര്‍ത്തകര്‍ ചങ്ങനാശേരി ഡിവൈഎസ്പി ഓഫിസിലേക്ക് മാര്‍ച്ച്‌ നടത്തി.
https://www.facebook.com/Malayalivartha
