ഡിസംബര്‍ 31-ന് മൂന്ന് വര്‍ഷം പൂര്‍ത്തിയാകുന്ന പി.എസ്.സി റാങ്ക് ലിസ്റ്റുകളുടെ കാലാവധി ആറു മാസം നീട്ടി. അടുത്ത ജൂണ്‍ 30-നകം മൂന്ന് വര്‍ഷം പൂര്‍ത്തിയാകുന്ന റാങ്ക് ലിസ്റ്റുകളുടെ കാലാവധിയും ഇത്തരത്തില്‍ നീട്ടിയിട്ടുണ്ട്. ഇന്ന് നടന്ന പി.എസ്.സി യോഗത്തിന് ശേഷമാണ് റാങ്ക് ലിസ്റ്റുകള്‍ നീട്ടാനുള്ള തീരുമാനം പി.എസ്.സി കൈക്കൊണ്ടത്.

നേരത്തെ റാങ്ക് ലിസ്റ്റുകളുടെ കാലാവധി നീട്ടണമെന്നാവശ്യപ്പെട്ട് പ്രതിപക്ഷ യുവജന സംഘടനകളും ഉദ്യോഗാര്‍ത്ഥികളും സമരം നടത്തിയിരന്നു. ഇതിനെ തുടര്‍ന്ന് റാങ്ക് ലിസ്റ്റുകളുടെ കാലാവധി നീട്ടാന്‍ സര്‍ക്കാര്‍ പി.എസ്.സിയോട് ശുപാര്‍ശ ചെയ്തിരുന്നു. ഇതിലാണ് ഇപ്പോള്‍ പി.എസ്.സിയുടെ തീരുമാനം പുറത്ത് വന്നിരിക്കുന്നത്.