മകള്‍ തഴയപ്പെട്ടതിന്റെ അരിശം തീര്‍ക്കാന്‍ വിധികര്‍ത്താവിന്റെ മുഖത്തടിച്ച അമ്മ അറസ്റ്റില്‍
06 JANUARY 2017 11:41 AM IST
മലയാളി വാര്‍ത്ത
വിധി നിര്‍ണയത്തില്‍ മകള്‍ തഴയപ്പെട്ടതിന്റെ അരിശം തീര്‍ക്കാന്‍ വിധികര്‍ത്താവിന്റെ മുഖത്തടിച്ച അമ്മ അറസ്റ്റില്‍. കൊണ്ടോട്ടി അരിമ്പ്ര ഗവ. യുപി സ്‌കൂള്‍ അധ്യാപിക സ്വപ്നയാണ് അറസ്റ്റിലായത്. തിരുവനന്തപുരം സംഗീത കോളേജ് അധ്യാപകന്‍ ബാലകൃഷ്ണനാണ് അടിയേറ്റത്. വ്യാഴാഴ്ച രാത്രി ഒമ്പതോടെ ഹയര്‍സെക്കന്‍ഡറി വിഭാഗം കേരളനടന മല്‍സരവേദിയായ ജി.വി.എച്ച്.എസ്.എസ് ഓഡിറ്റോറിയത്തിലാണ് സംഭവം.
സെന്റ് ക്ലയേഴ്‌സ് സ്‌കൂള്‍ വിദ്യാര്‍ത്ഥിനിയായ മകളുടെ മത്സരഫലം സംബന്ധിച്ച തര്‍ക്കം അടിയില്‍ കലാശിക്കുകയായിരുന്നു. അധ്യാപികയെ സംഘാടകസമിതി ഭാരവാഹികളും സ്ഥലത്തുണ്ടായിരുന്ന പോലീസും ചേര്‍ന്ന് പിടിച്ചുമാറ്റി. തുടര്‍ന്ന് കുന്നംകുളം എസ്.ഐ.ടി.പി.ഫര്‍ഷാദിന്റെ നേതൃത്വത്തില്‍ പോലീസെത്തി കസ്റ്റഡിയിലെടുക്കുകയായിരുന്നു. രാത്രി വൈകിയുണ്ടായ ഒത്തുതീര്‍പ്പിനെത്തുടര്‍ന്ന് നിയമനടപടികള്‍ ഒഴിവാക്കി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
