പരിഷ്‌കൃത കേരളമേ തലകുനിക്കുക. സംസ്ഥാനത്ത ചെറു പ്രായത്തിനിടെ ഗര്‍ഭിണികളായത് 1. 72 ലക്ഷത്തോളം . കൃത്യമായ് പറഞ്ഞാല്‍ 19 വയസ്സില്‍ താഴെ മാത്രം പ്രായമുള്ള 1, 72 , 511 പെണ്‍കുട്ടികള്‍. മാതൃഭൂമി പത്രമാണ് ഈ ഞെട്ടിക്കുന്ന കണക്ക് പുറത്തുവിട്ടത്. 13,95,171 പേരാണ് ഇക്കാലയളവില്‍ ഗര്‍ഭിണികളായത്. ഓരോവര്‍ഷവും രജിസ്റ്റര്‍ചെയ്യുന്ന ഗര്‍ഭിണികളില്‍ 12 ശതമാനവും കൗമാരക്കാര്‍. അതായത്, വര്‍ഷം 50,000ത്തിലധികം കുട്ടികളാണ് ശാരീരിക വളര്‍ച്ചയെത്തുംമുമ്പ് ഗര്‍ഭംധരിക്കുന്നത്. എണ്ണത്തില്‍ നേരിയ കുറവുണ്ടാകുന്നുവെങ്കിലും കാലോചിതമായ മാറ്റം കാണാനില്ല.

ചെറു പ്രായത്തിലെ പ്രസവം മൂലം പല വിധത്തിലുള്ള പ്രശ്‌നങ്ങളാണ് പലരും അഭിമുഖീകരിക്കേണ്ടി വരുന്നത്. ഗര്‍ഭപാത്രം പൂര്‍ണവളര്‍ച്ചയെത്താത്തതിനാല്‍ പ്രസവവേളയിലെ അപകടസാധ്യത കൂടുതലാണ്. സുഖപ്രസവത്തിന് പകരം ശസ്ത്രക്രിയ പതിവായി മാറുന്നതും ഒരു പ്രശ്‌നമാകുന്നു. മാനസിക പിരിമുറുക്കം കൂടുലതാണ്. ശാരീരിക വളര്‍ച്ചയെത്തും മുമ്പുള്ള ലൈംഗികബന്ധംമൂലം ഗര്‍ഭാശയ അര്‍ബുദത്തിന് സാധ്യതയുണ്ടെന്നും വിലയിരുത്തപ്പെടുന്നു.

19 വയസ്സിന് താഴെയുള്ളവരുടെ ഗര്‍ഭപാത്രം പൂര്‍ണതയിലെത്താത്തതിനാല്‍ പ്രസവവേളയിലെ പ്രയാസങ്ങള്‍ കൂടുതലാകും. ഇടുപ്പെല്ലുകള്‍ പൂര്‍ണ വളര്‍ച്ചയെത്തില്ല. കുഞ്ഞിന് പുറത്തുവരാന്‍ പ്രയാസമുണ്ടാകും. മികച്ച സൗകര്യങ്ങളുള്ളിടത്ത് മാത്രമേ ഇവരെ പ്രസവത്തിനായി പ്രവേശിപ്പിക്കാവൂ. പ്രസവത്തിനിടയിലുള്ള അപകടസാധ്യത കൂടുതലായതിനാലാണിത്. ആരോഗ്യവകുപ്പ് ബോധവത്കരണം നടത്തുന്നുണ്ടെങ്കിലും 19 വയസ്സിന് മുമ്പുള്ള ഗര്‍ഭധാരണത്തില്‍ മാറ്റമുണ്ടാകുന്നില്ല. വിവിധ വകുപ്പുകളും തദ്ദേശസ്ഥാപനങ്ങളും ജനപ്രതിനിധികളും ഒരുമിച്ചുചേര്‍ന്നാല്‍മാത്രമേ തുടച്ചുനീക്കാനാകൂവെന്നാണ് ആരോഗ്യരംഗത്തെ പ്രമുഖര്‍ അഭിപ്രായപ്പെടുന്നത്.


2014 ഏപ്രില്‍മുതല്‍ 2017 ഫെബ്രുവരി 14 വരെയുള്ള കണക്കുകള്‍...


ജില്ല ആകെ ഗര്‍ഭിണികള്‍ കൗമാരഗര്‍ഭിണികള്‍

കാസര്‍കോട് ........ 70,482 ........................ 8061
കണ്ണൂര്‍ ................. 1,16,764 ............................. 13,207
വയനാട് ....................40,310 ............................. 5680
കോഴിക്കോട് ............1,40,551 ..................................18,139
മലപ്പുറം ................ 2,66,723 .................................52,681
പാലക്കാട് ............. 1,22,422 . ...............................20,714
തൃശ്ശൂര്‍ ............... 1,15,865 ............................... 11,125
എറണാകുളം .............1,09,203 . ................................7087
ഇടുക്കി .................... 38,918 ....................................3255
കോട്ടയം ..................... 58,310 ......................................2663
ആലപ്പുഴ .................. 69,480 . .....................................5246
പത്തനംതിട്ട ........... 37,018 .......................................1818
കൊല്ലം ............ 97,747 .................................. 10,763
തിരുവനന്തപുരം .........1,11,418 .................................. 12,074
2014 15ല്‍ 61,574
2015 16ല്‍ 58,137
2016 17ല്‍ 52,800