കാസര്‍കോട് പടന്നയില്‍ നിന്ന് ദുരൂഹ സാഹചര്യത്തില്‍ കാണാതായ മലയാളികളില്‍ ഒരാള്‍ കൊല്ലപ്പെട്ടതായി സന്ദേശം. പടന്ന സ്വദേശി ഹഫീസ് കൊല്ലപ്പെട്ടതായാണ് സന്ദേശം ലഭിച്ചത്. 'ഹഫീസ് ഡ്രോണ്‍ ആക്രമണത്തില്‍ കൊല്ലപ്പെട്ടു. ഖബറടക്കം നടത്തി. ഹഫീസിനെ ഞങ്ങള്‍ രക്തസാക്ഷിയായാണ് കാണുന്നത്. ഞങ്ങളുടെ ഊഴത്തിനായി കാത്തിരിക്കുന്നു' എന്നാണ് സന്ദേശം.
ഹഫീസിനൊപ്പം കാണാതായ ഒരാളില്‍ നിന്ന് അഫ്ഗാനിസ്താനില്‍ നിന്ന് ടെലഗ്രാം ആപ്പ് വഴിയാണ് സന്ദേശമെത്തിയത്. പടന്ന സ്വദേശിയായ പൊതുപ്രവര്‍ത്തകന്റെ ഫോണിലാണ് സന്ദേശം ലഭിച്ചത്.

പടന്നയില്‍ നിന്ന് കാണാതായ 11 പേര്‍ക്കെതിരെ ഐഎസ് ബന്ധം ആരോപിക്കപ്പെട്ടിരുന്നു. ഈ മലയാളി സംഘത്തിന്റെ തലവനാണ് ഹഫീസ്. ഇവര്‍ അഫ്ഗാനിലേക്കും സിറിയയിലേക്കും പോയെന്നായിരുന്നു നിഗമനം.