പൊതു മധ്യത്തില്‍ വസ്ത്രങ്ങള്‍ വലിച്ചു കീറി ക്രൂരമായി മര്‍ദ്ദിച്ച് യുവതിക്ക് നേരെ പ്രതികളുടെ അക്രമം
പീഡനത്തിനിരയായ യുവതിയെ പ്രതികള്‍ പരസ്യമായി റോഡില്‍ വെച്ച് ആക്രമിച്ചു. മൂന്ന് മാസം ഗര്‍ഭിണിയായ യുവതിയുടെ വസ്ത്രങ്ങള്‍ വലിച്ച് കീറുകയും, മര്‍ദ്ദിക്കുകയും ചെയ്തു. പൊലീസില്‍ പരാതി നല്‍കിയതിന്റെ പ്രതികാരമായിട്ടായിരുന്നു മര്‍ദ്ദനം. കൊല്ലം സിറ്റി പൊലീസ് കമ്മീഷണര്‍ക്ക് നേരിട്ട് പരാതി നല്‍കിയിട്ടും ഇതുവരെ പ്രതികളെ അറസ്റ്റ് ചെയ്യാനൊ സംരക്ഷണം തനിക്ക് നല്‍കാനൊ പൊലീസ് തയ്യാറായില്ലെന്ന് യുവതി പറയുന്നു
ഈ മാസം ഏഴിനായിരുന്നു കായംകുളം സ്വദേശിനിയായ യുവതി കൊല്ലം സിറ്റി പൊലീസ് കമ്മീഷണര്‍ക്ക് പരാതി നല്‍കിയത്. ഒരു സ്ത്രീയടക്കം കൊല്ലം സ്വദേശികളായ ആറ് പേര്‍ക്കെതിരെയായിരുന്നു പരാതി. പ്രതികളെ വിളിച്ച് വരുത്തി വിവരം ചോദിച്ചതല്ലാതെ ഒരാളെപ്പോലും പൊലീസ് അറസ്റ്റ് ചെയ്തില്ല. ഇതില്‍ പ്രതികളായ രണ്ട് പേരാണ് കൊല്ലത്ത് വെച്ച് വീണ്ടു യുവതിയെ ആക്രമിച്ചത്
ഒന്നര വര്‍ഷം മുന്‍പാണ് പെണ്‍കുട്ടി പീഡിപ്പിക്കപെടുന്നത്. ആല്‍ബത്തില്‍ അഭിനയിപ്പിക്കാമെന്ന് പറഞ്ഞ് യുവതിയെ കൊല്ലം സ്വദേശിയായ പ്രതി പീഡിപ്പിച്ചു. തുടര്‍ന്ന് ഇതിന്റെ ദൃശ്യങ്ങള്‍ പകര്‍ത്തി പ്രചരിപ്പിക്കുമെന്ന് ഭീക്ഷണിപ്പെടുത്തി വിദേശത്തെത്തിച്ച് കൂടുതല്‍ പേര്‍ക്ക് കാഴ്ചവെച്ചന്നായിരുന്നു പരാതി. നാട്ടില്‍ ഇപ്പോള്‍ ഭര്‍ത്താവിനൊപ്പം കഴിയുകയാണ് യുവതി. ഇതിനിടെ വീണ്ടും പ്രതികള്‍ യുവതിയെ സമീപിക്കുകയും, വിദേശത്തേയ്ക്ക് ഒപ്പം ചെന്നില്ലെങ്കില്‍ ദൃശ്യങ്ങള്‍ പുറത്തു വിടുമെന്ന് പറയുകയും ചെയ്തു. തുടര്‍ന്നാണ് ഒന്നര വര്‍ഷത്തിന് ശേഷം പൊലീസില്‍ യുവതി പരാതി നല്‍കുന്നത്. പ്രതികള്‍ ഭീക്ഷണിപ്പെടുത്തുന്ന ഓഡിയോ ഉള്‍പെടെ യുവതി പൊലീസിന് കൈമാറിയിരുന്നു
https://www.facebook.com/Malayalivartha
