ഭവന്സ് പള്സാര് ലോ കോളെജിന്റെ ലേഡീസ് ഹോസ്റ്റലിന്റെ മുന്നില് നിര്ത്തിയിട്ട ബസില് കയറി മധ്യവയസ്കന്റെ പരാക്രമം
കോളെജ് ബസില് അതിക്രമിച്ച് കടന്ന് മധ്യവയസ്കന്റെ പരാക്രമം. കോഴിക്കോട് രാമനാട്ടുകരയിലെ ഭവന്സ് പള്സാര് ലോ കോളെജിന്റെ ലേഡീസ് ഹോസ്റ്റലിന്റെ മുന്നില് നിര്ത്തിയിട്ട ബസില് കയറിയാണ് മധ്യവയസ്കന്റെ പരാക്രമങ്ങള്. ചൊവ്വാഴ്ചയാണ് സംഭവം. വിദ്യാര്ത്ഥിനികള്ക്കൊപ്പം ബസില് ഡ്രൈവറും ഉണ്ടായിരുന്നു. ബസില് നിന്നും ഇറങ്ങിപ്പോകാന് ഡ്രൈവര് പറയുന്നുണ്ടെങ്കിലും അയാള് കൂടുതല് പ്രശ്നമുണ്ടാക്കുകയാണ് ചെയ്യുന്നത്
ഒറ്റ തന്തക്ക് ജനിച്ചവനാണെങ്കില് ഇങ്ങോട്ടേക്ക് ഇറങ്ങിവാടാ എന്നയാള് പറയുന്നുണ്ട്. ഇതിനിടെ ഫോണെടുത്ത വിദ്യാര്ത്ഥിനിയോട് നിനക്കൊക്കെ ഫോണ് എന്തിനാണെന്നും മധ്യവയസ്കന് ചോദിക്കുന്നു. ലോകാ സമസ്ത സുഖിനോ ഭവന്തു എന്നും രാമ രാമ രാമ ലോകാഭിരാമ രഘുരാമ രാമ എന്നും കോട്ടിട്ടുണ്ടോ എന്നും ഇയാള് ദേഷ്യപ്പെടുന്നു.
പെണ്കുട്ടികള്ക്ക് നേരെ ഇയാള് പാഞ്ഞടുക്കുകയും ഒരു വിദ്യാര്ത്ഥിനിയെ മര്ദ്ദിക്കുകയും ചെയ്തു. ഇത് ചോദ്യം ചെയ്ത ഡ്രൈവറേയും മധ്യവയസ്കന് മര്ദ്ദിച്ചു. ബസില് ഉണ്ടായിരുന്നവര്ക്ക് കാഴ്ചക്കാരായി നോക്കി നില്ക്കാന് മാത്രമാണ് കഴിഞ്ഞത്. വീഡിയോ മൊബൈലില് പകര്ത്തിയവര്ക്ക് നേരെയും ഇയാള് കയര്ത്തു. ഫോണ് തട്ടിമാറ്റാന് ശ്രമിക്കുകയും ചെയ്തു. ഇതിനു ശേഷം അയാള് സൈക്കിളില് കയറിപ്പോകുകയും ചെയ്തു. മധ്യവയസ്കന്റെ മര്ദ്ദനത്തില് പരുക്കേറ്റ വിദ്യാര്ത്ഥിനി ആശുപത്രിയില് ചികിത്സ തേടിയതായാണ് വിവരം. സംഭവത്തിന്റെ വീഡിയോ സോഷ്യല് മീഡിയയില് വൈറലായിട്ടുണ്ട്.
https://www.facebook.com/Malayalivartha
