പോലീസ് കോടതിയില് സമര്പ്പിച്ചത് വിചിത്ര റിപ്പോര്ട്ട്? കലാഭവന് മണിയുടെ മരണം അന്വേഷിക്കുന്ന പോലീസിനെതിരെ സഹോദരന് രാമകൃഷ്ണന്
നടന് കലാഭവന് മണിയുടെ മരണം അന്വേഷിക്കുന്ന പോലീസിന്റെത് വിചിത്രവാദമാണെന്ന് മണിയുടെ സഹോദരന് ആര്എല്വി രാമകൃഷ്ണന്. മണിയുടെ മരണവുമായി ബന്ധപ്പെട്ട് പോലീസ് കോടതിയില് സമര്പ്പിച്ചത് വിചിത്ര റിപ്പോര്ട്ട് ആണെന്നും മരണം സ്വാഭാവികമാണെന്ന് വരുത്തിത്തീര്ക്കാനാണ് ശ്രമമെന്നും രാമകൃഷ്ണന് തന്റെ ഫേസ്ബുക്ക് പോസ്റ്റില് ആരോപിച്ചു.
കാക്കനാട്ടെ ലാബ് റിപ്പോര്ട്ടില് സംശയം വന്ന പോലീസ് ആന്തരികാവയവങ്ങള് ഹൈദരാബാദിലെ സെന്ട്രല് ഫോറന്സിക് സയന്സ് ലാബിലേക്ക് പരിശോധനയ്ക്ക് അയച്ചിട്ടുണ്ട്. എന്നാല് ഇത് സീല് ചെയ്യാതെയാണ് അയച്ചതെന്നും വേണ്ടത്ര അളവില് ഉണ്ടായിരുന്നില്ലെന്നും റിപ്പോര്ട്ട് ഉള്ള സാഹചര്യത്തില് പരിശോധനാഫലം വിശ്വസിക്കാനാവില്ലെന്ന് രാമകൃഷ്ണന് പറയുന്നു.
മെഥനോള് ഉള്ളില് ചെന്നിട്ടുണ്ടെന്ന് പറയുന്ന പോലീസ് ഇത് എങ്ങനെ ഉള്ളിലെത്തി എന്ന് കണ്ടെത്തിയിട്ടില്ല. സുഹൃത്തുക്കള് വാറ്റുചാരായം കഴിക്കാറില്ലെന്ന് പറയുന്നത് അവരെ പോലീസ് സംരക്ഷിക്കുന്നതിനാണ്. കഞ്ചാവിനും മദ്യത്തിനും അടിമകളാണ് ഇവരില് രണ്ടു പേര് എന്നും പോസ്റ്റില് ആരോപണമുണ്ട്. മാരകമായ മെഥനോള് എത്തിച്ചത് ആരാണ് ?അത് എങ്ങിനെ പാഡിയില് വന്നു?. മെഥനോള് മാത്രം മതി മരണകാരണമാകാന് ഇതിന് പോലീസ് ഉത്തരം തരാതെ ഉരുണ്ടു കളിക്കുകയാണ്?
https://www.facebook.com/Malayalivartha
