തിരുവനന്തപുരം നഗരത്തില് വന് കഞ്ചാവ് വേട്ട, പത്തുകിലോ കഞ്ചാവുമായി രണ്ടു പേരെ പോലീസ് പിടികൂടി
തിരുവനന്തപുരം നഗരത്തില് വന് കഞ്ചാവ് വേട്ട. പത്തുകിലോ കഞ്ചാവുമായി രണ്ടുപേരെയാണ് സിറ്റി ഷാഡോ പൊലീസ് പിടികൂടിയത്. മറ്റു സംസ്ഥാനങ്ങള് കേന്ദ്രീകരിച്ച് പ്രവര്ത്തിക്കുന്ന വന്ശൃംഖലയിലെ കണ്ണികളാണ് അറസ്റ്റിലായതെന്ന് പൊലീസ് അറിയിച്ചു. നഗരത്തിലെ വിദ്യാഭ്യാസ സ്ഥാപനങ്ങള് കേന്ദ്രീകരിച്ച് ലഹരി മാഫിയയുടെ പ്രവര്ത്തനം ശക്തമാകുന്നതായുള്ള രഹസ്യ വിവരത്തെ തുടര്ന്നായിരുന്നു മിന്നല് പരിശോധന.
കഞ്ചാവ് മൊത്തവിതരണക്കാരായ വിഴിഞ്ഞം സ്വദേശി തോമസ്, നെയ്യാറ്റിന്കര സ്വദേശി ജോണി എന്നിവരെയാണ് സിറ്റി ഷാഡോ പൊലീസ് പിടികൂടിയത്. വില്പ്പനയ്ക്ക് കൈവശംവെച്ചിരുന്നതിന് പുറമെ പ്രതികളുടെ വീടുകളില് രഹസ്യമായി സൂക്ഷിച്ചിരുന്ന കഞ്ചാവ് പായ്ക്കറ്റുകളും പൊലീസ് പിടിച്ചെടുത്തു.
കമ്പം, തേനി തുടങ്ങിയ സ്ഥലങ്ങളില് നിന്നാണ് ഇവര് നഗരത്തില് കഞ്ചാവ് എത്തിച്ചിരുന്നത്. കഴിഞ്ഞ മൂന്ന് മാസത്തിനിടെ നാല്പ്പത്തിയഞ്ച് കിലോ കഞ്ചാവാണ് നഗരത്തില് നിന്ന് പൊലീസ് പിടിച്ചെടുത്ത്. ലഹരിവേട്ടയ്ക്കായി പ്രത്യേക അന്വേഷണ സംഘത്തിന് രൂപം നല്കിയതായും ഡിസിപി പറഞ്ഞു.
https://www.facebook.com/Malayalivartha
