എന്ഡിഎ സംസ്ഥാന ഘടകം യോഗത്തില് മുന്നണിയിലെ ഘടക കക്ഷികള് തമ്മിലുള്ള ഭിന്നത പുറത്ത്; ബിജെപിയിലും ചേരിതിരിവ്
ദേശീയ ജനാധിപത്യ സഖ്യം (എന്ഡിഎ ) സംസ്ഥാന ഘടകം യോഗത്തില് മുന്നണിയിലെ ഘടക കക്ഷികള് തമ്മിലുള്ള ഭിന്നത പുറത്ത്. ബിജെപിയിലെ ചേരിതിരിവിനും യോഗം വേദിയായി. സഖ്യത്തിനു നേതൃത്വം നല്കുന്ന ബിജെപിയെ മറ്റു ഘടക കക്ഷികള് വളഞ്ഞിട്ട് ആക്രമിച്ചു. എന്നാല് ബിജെപി സംസ്ഥാന ഘടകം പ്രതിരോധത്തിനു മുതിര്ന്നില്ല.
എന്ഡിഎ രൂപീകരണത്തിനു മുന്കൈ എടുത്ത ബിജെപി കേന്ദ്ര നേതൃത്വത്തിനു തന്നെയാണ് ഇപ്പോഴത്തെ പ്രശ്നങ്ങളുടെ ഉത്തരവാദിത്തം എന്നായിരുന്നു ബിജെപി സംസ്ഥാന ഘടകത്തിന്റെ നിലപാട്. മുന്നണി നടത്തിപ്പില് സംസ്ഥാന പ്രസിഡന്റ് കുമ്മനം രാജശേഖരന്റെ വിഭാഗത്തിനുള്ള പിഴവുകള് ചൂണ്ടിക്കാണിക്കാനും ഒരു വിഭാഗം മടിച്ചില്ല. എന്ഡിഎ ചെയര്മാനായ കുമ്മനം രാജശേഖരനാണു ഘടക കക്ഷികളുടെ ചോദ്യങ്ങള്ക്കു മറുപടി നല്കിയത്. കണ്വീനറായ ബിഡിജെഎസ് സംസ്ഥാന അധ്യക്ഷന് തുഷാര് വെള്ളാപ്പള്ളിക്കു മറുപടി പറയാന് അവസരം ലഭിച്ചില്ല.
അതേസമയം, മുന്നണി സംവിധാനത്തില് അധ്യക്ഷ സ്ഥാനത്തുള്ള ചെയര്മാന് യോഗം നടത്തുമ്പോള് മറുപടി നല്കേണ്ടത് കണ്വീനറാണെന്നു ബിജെപിയില് തന്നെ വിമര്ശനം ഉയര്ന്നു. മാത്രമല്ല, മുന്നണി യോഗങ്ങള്ക്കു മുന്നൊരുക്ക യോഗം നടത്തുന്ന പതിവും കഴിഞ്ഞ ദിവസം പാലിച്ചില്ലെന്നു ബിജെപിയില് തന്നെ വിമര്ശനം ഉയര്ന്നു.
ചെട്ടികുളങ്ങര ക്ഷേത്രത്തിലെ മേല്ശാന്തി പ്രശ്നത്തില് എസ്എന്ഡിപിയും ബിഡിജെഎസും ശക്തമായ നിലപാട് എടുത്തപ്പോള് ബിജെപി സംസ്ഥാന നേതൃത്വം മൗനം പാലിച്ചതിനെ എല്ലാ ഘടക കക്ഷികളും വിമര്ശിച്ചു. സിപിഎം നേതാവ് പ്രതിഭാഹരി എംഎല്എ വിഷയം നിയമസഭയില് ഉന്നയിച്ചപ്പോള് ബിജെപി നേതാവ് ഒ. രാജഗോപാല് മൗനം പാലിച്ചെന്നും വിമര്ശനം ഉയര്ന്നു. ഒടുവില് പ്രശ്നങ്ങള് പരിഹരിച്ചു മുന്നോട്ടു പോകാന് യോഗം തീരുമാനിച്ചെങ്കിലും അസ്വാരസ്യത്തിന് അയവു വന്നില്ല. ഭാവി പരിപാടി തീരുമാനിക്കാന് ബിഡിജെഎസ് നേതൃയോഗം എന്ഡിഎയില് തുടരണോ എന്നു തീരുമാനിക്കാന് ബിഡിജെഎസ് സംസ്ഥാന നേതൃയോഗം ഉടന് ചേരുമെന്നാണു സൂചന.
യുഡിഎഫിലേക്ക് എം.എം. ഹസന് ക്ഷണിക്കുകയും എല്ഡിഎഫില് ചേരണമെന്നു വെള്ളാപ്പള്ളി നടേശന് നിര്ദേശിക്കുകയും ചെയ്തതിന്റെ പശ്ചാത്തലത്തിലാണു നേതൃയോഗം. അതിനു മുന്നോടിയായി സംസ്ഥാന അധ്യക്ഷന് തുഷാര് വെള്ളാപ്പള്ളി ബിജെപി കേന്ദ്ര നേതൃത്വത്തെ സന്ദര്ശിക്കും. ബി!ഡിജെഎസിനെ പറഞ്ഞു പറ്റിച്ചുവെന്നാണു നിലപാട്. കേന്ദ്രം ഒന്നും തന്നില്ലെന്നു ബിജെപി നേതാക്കളും എന്ഡിഎ യോഗത്തില് പറഞ്ഞപ്പോള് ബിജെപിക്കു ലഭിച്ച സ്ഥാനങ്ങളുടെ കണക്കു സഹിതം ബിഡിജെഎസ് തിരിച്ചടിച്ചു. കേന്ദ്ര സര്ക്കാര് മൂന്നു വര്ഷം പിന്നിട്ട സാഹചര്യത്തില് പദവികള് കിട്ടിയാലും കാര്യമില്ലെന്ന നിലപാടാണു ബിഡിജെഎസിന്. മറ്റു ഘടക കക്ഷികള്ക്കും മുന്നണിയില് തുടരുന്നതില് തൃപ്തിയില്ല. കേന്ദ്ര നേതൃത്വം ഇടപടട്ടെയെന്നു കേരള ബിജെപി എന്ഡിഎ യോഗത്തില് അനുനയത്തിന്റെയും കൈയൊഴിയുന്നതിന്റെയും നിലപാടാണു ബിജെപി എടുത്തത്.
ഘടക കക്ഷികളുടെ അമര്ഷം കേന്ദ്ര നേതൃത്വത്തെ അറിയിക്കും. തീരുമാനം കേന്ദ്ര നേതൃത്വം തന്നെ എടുക്കട്ടെയെന്നാണു യോഗശേഷമുള്ള ബിജെപിയുടെ തീരുമാനം. ബിഡിജെസിനെയും മറ്റു ഘടക കക്ഷികളെയും ഒരു പോലെ കാണുന്നതില് ബിജെപിക്ക് അഭിപ്രായ വ്യത്യാസമുണ്ട്. എന്ഡിഎ മുന്നണി സംവിധാനം ശക്തിപ്പെടുത്തണമെന്ന് ആവശ്യപ്പെട്ടു.
https://www.facebook.com/Malayalivartha
