മന്ത്രിയായി അധികം നാള്‍ പോവില്ലെന്ന് തോമസ് ചാണ്ടിയ്ക്ക് അറിയില്ലായിരുന്നു.കെഎസ്ആര്‍ടിസിയെ മാറ്റിയെടുക്കാമെന്ന് ധാരണയിലായിരുന്നു ചാണ്ടിയുടെ മന്ത്രിയായുള്ള വരവ്. പക്ഷേ അതൊന്നും ഫലച്ചില്ല. തോമസ് ചാണ്ടിയുടെ രാജി ഇത്രയും പെട്ടെന്നാകുമെന്ന് ആരും പ്രതീക്ഷിച്ചില്ല. തോമസ് ചാണ്ടി രാജി സന്നദ്ധത അറിയിച്ചു.

മന്ത്രി കസേരയിലിരുന്ന് ചാണ്ടിയ്ക്ക് മതിയായി. കസേരയിലിരുന്ന് മാസങ്ങള്‍ കഴിഞ്ഞതും തോമസ് ചാണ്ടിയ്ക്ക ആലപ്പുഴ കളക്ടര്‍ അനുപമയുടെ വക എട്ടിന്റെ പണികിട്ടീല്ലേ. അനുപമയെയാണ് എല്ലാവരും കൈയ്യടിക്കുന്നത്. കളക്ടറായാല്‍ അനുപമയെ പോലെ ആകണം. എന്നാല്‍ ചാണ്ടി നിയമം ലംഘിച്ചിട്ടില്ലെന്ന് എന്‍സിപിയും രംഗത്തെത്തിയിരുന്നു.

കായല്‍ കയ്യേറ്റവുമായി ബന്ധപ്പെട്ട് വിവാദത്തിലായ തോമസ് ചാണ്ടിയെ സിപിഎമ്മും സിപിഐയും കൈയ്യൊഴിഞ്ഞ സാഹചര്യത്തിലാണ് പിന്തുണയുമായി എന്‍സിപി എത്തിയതിയിരുന്നത്. രാജിക്കുള്ള സാഹചര്യം ഇപ്പോഴില്ലെന്ന് എന്‍സിപി നേതാവ് ടിപി പീതാംബരന്‍ പറഞ്ഞു. കയ്യേറ്റമുണ്ടെങ്കില്‍ ഉത്തരവാദിത്തം ഉദ്യോഗസ്ഥര്‍ക്കാണെന്നും അന്വേഷണം നടക്കുമ്പോള്‍ മന്ത്രി രാജിവയ്‌ക്കേണ്ടതില്ലെന്നും പീതാംബരന്‍ പറഞ്ഞു.

സോഷ്യല്‍ മീഡിയയില്‍ തോമസ് ചാണ്ടിയ്ക്ക് അത്ര പിന്തുണ പോരാ. ചാണ്ടിയ്ക്ക് നിറയെ ഗള്‍ഫ് പണമുണ്ടല്ലോ.പണത്തിന് മുകളില്ലലേ ചാണ്ടി സാര്‍ ഉറങ്ങുന്നതെന്നാണ് സോഷ്യല്‍ മീഡിയയിലെ അഭിപ്രായങ്ങള്‍. മന്ത്രി തോമസ് ചാണ്ടിയോട് രാജി വെക്കുന്നതാണ് ഉചിതമെന്ന് മുഖ്യമന്ത്രി വ്യക്തമാക്കി.

കായല്‍ കൈയേറ്റ വിഷയത്തില്‍ ഹൈകോടതിയില്‍ നിന്ന് അതിരൂക്ഷമായ പരാമര്‍ശങ്ങള്‍ ഏറ്റ സാഹചര്യത്തില്‍ രാജി വെക്കുന്നതാണ് ഉചിതമെന്ന് മുഖ്യമന്ത്രിസൂചിപ്പിച്ചു. ഇന്ന് രാവിലെ ക്ലീഫ് ഹൗസില്‍ മന്ത്രിയുമായി നടത്തിയ കൂടിക്കാഴ്ചയിലാണ് മുഖ്യമന്ത്രി ഇക്കാര്യം വ്യക്തമാക്കിയത്. കൂടിക്കാഴ്ച 45 മിനിട്ടോളം നീണ്ടുനിന്നു.

അതേസമയം, കേന്ദ്രനേതൃത്വവുമായി ആലോചിച്ച് രാജിക്കാര്യത്തില്‍ തീരുമാനം അറിയിക്കാമെന്നാണ് എന്‍.സി.പി നേതാക്കള്‍ചര്‍ച്ചക്ക് ശേഷം മുഖ്യമന്ത്രിയെ അറിയിച്ചത്. എന്നാല്‍ കൂടിക്കാഴ്ചക്ക് ശേഷം പുറത്തിറങ്ങിയ തോമസ് ചാണ്ടി മാധ്യമങ്ങളോട് പ്രതികരിക്കാന്‍ കൂട്ടാക്കിയില്ല.

തന്റെ റിസോര്‍ട്ടിലേക്ക് പോകാന്‍ രണ്ട് എം.പിമാരുടെ ഫണ്ട് ഉപയോഗിച്ച് തോമസ് ചാണ്ടി അനധികൃതമായി റോഡ് നിര്‍മ്മിച്ചെന്നും കായല്‍ നികത്തിയെന്നുമുള്ള വാര്‍ത്ത ഒരു സ്വകാര്യ ചാനലാണ് പുറത്ത് വിട്ടത്. മാര്‍ത്താണ്ഡം കായലില്‍ മിച്ചഭൂമിയായി കര്‍ഷക തൊഴിലാളികള്‍ക്ക് സര്‍ക്കാര്‍ പതിച്ചുനല്‍കിയ ഏക്കര്‍ കണക്കിന് ഭൂമിയാണ് ലേക് പാലസ് റിസോര്‍ട്ട് കമ്ബനിയായ വാട്ടര്‍വേള്‍ഡ് ടൂറിസം കമ്ബനിയുടെ പേരില്‍ മന്ത്രി തോമസ് ചാണ്ടിയും മകനും വാങ്ങിക്കൂട്ടി നികത്തുന്നതെന്നായിരുന്നു ആരോപണം.

കഴിഞ്ഞ ദിവസം ജില്ലാ കലക്ടര്‍ ടി.വി. അനുപമയും ഉദ്യോഗസ്ഥ സംഘവും ലേക്ക് പാലസില്‍ പരിശോധന നടത്തിയിരുന്നു. ലേക്ക് പാലസ് റിസോര്‍ട്ടിന്റെ ഭൂമിയില്‍ നികത്തലുകള്‍ നടന്നിട്ടുണ്ടെന്നു ലാന്‍ഡ് റവന്യു തഹസില്‍ദാര്‍ കണ്ടെത്തിയിരുന്നു. ഇതില്‍ പലതും നിയന്ത്രണം ഏര്‍പ്പെടുത്തിയ 2008നു മുമ്ബുള്ളതാണ്. അതേ സമയം റോഡ് നിര്‍മാണത്തിന്റെ ഭാഗമായി മൂന്നിടത്തു ഭൂമി നികത്തിയിട്ടുണ്ട്.