തീരദേശങ്ങളിലെയും മെഡിക്കല് കോളജക്കമുള്ള മറ്റ് പ്രധാന ആശുപത്രികള്ക്കും ജാഗ്രതാ നിര്ദ്ദേശം
ചുഴലിക്കാറ്റിനെ തുടര്ന്ന് കടലില് അകപ്പെട്ട അറുപതോളം പേരെ കോസ്റ്റ് ഗാര്ഡും നേവിയും ഇതുവരെ രക്ഷപ്പെടുത്തി. രക്ഷാപ്രവര്ത്തനം ദ്രുതഗതിയില് പുരോഗമിക്കുകയാണ്. കാറ്റും കടല്ക്ഷോഭവും രക്ഷാപ്രവര്ത്തനത്തെ ബാധിക്കുന്നുണ്ട്. വള്ളവും ബോട്ടും ഉപേക്ഷിച്ച് രക്ഷാപ്രവര്ത്തകര്ക്കൊപ്പം മടങ്ങാന് മത്സ്യത്തൊഴിലാളികള് മടിക്കുന്നു. തീരദേശങ്ങളിലേയും മെഡിക്കല് കോളജക്കമുള്ള മറ്റ് പ്രധാനപ്പെട്ട എല്ലാ ആശുപത്രികള്ക്കും ആരോഗ്യ വകുപ്പ് ജാഗ്രതാ നിര്ദേശം നല്കി. തിരുവനന്തപുരം ജില്ലയില് 18 ക്യാമ്പുകളിലായി 281 കുടുംബങ്ങളെ മാറ്റിപാര്പ്പിച്ചു.
ഓഖി ചുഴലിക്കാറ്റ് വേളി ടൂറിസ്റ്റ് വില്ലേജ് അടച്ചു
ഓഖി ചുഴലിക്കാറ്റിനെ തുടര്ന്നുള്ള പ്രകൃതിക്ഷോഭം കാരണം വേളി ടൂറിസ്റ്റ് വില്ലേജ് ഇന്ന് അടച്ചു ഇടുമെന്ന് വേളി ടൂറിസ്റ്റ് വില്ലേജ് ഡെപ്യൂട്ടി ഡയറക്ടര് അറിയിച്ചു. പ്രകൃതിക്ഷോഭം കാരണം വില്ലേജിനകത്തെ മരങ്ങളിലെ ചില്ലകള് ഒടിഞ്ഞ് വീഴുന്നതും, കടലിലെ ജലനിരപ്പ് ഉയരുകയും ചെയ്യുന്ന സാഹചര്യത്തിലാണ് അടച്ചിടുന്നതെന്ന് അധികൃതര് അറിയിച്ചു.
തെരച്ചിലിനായി അഞ്ച് കപ്പല്
കടലില് കാണാതായവര്ക്കായി നേവിയുടെ അഞ്ച് കപ്പലുകളും, കോസ്റ്റ് ഗാര്ഡിന്റെ രണ്ട് കപ്പലുകുളും, നേവിയുടെ രണ്ട് ഹെലിക്കോപ്ടറുകളും വായുസേനയുടെ രണ്ട് ഹെലിക്കോപ്ടറുകളും രണ്ട് എയര് ക്രാഫ്റ്റുകളും നിരീക്ഷണവും രക്ഷാപ്രവര്ത്തനവും ഊര്ജിതമാക്കി. മുഴുവന് സമയ ഏകോപനവുമായി ജില്ലാ കലക്ടര് ഡോ.വാസുകിയും, സബ് കലക്ടര് ഡോ.ദിവ്യ.എസ്.അയ്യരും തീരദേശത്തുണ്ട്.
https://www.facebook.com/Malayalivartha
