ഇതുവരെ കാണാത്ത പ്രതിഭാസം... കേരള തീരത്തേക്കാള് ശക്തിപ്രാപിച്ച് ഓഖി ലക്ഷദ്വീപില്, ഇന്ന് കാറ്റിനു ശക്തിയേറും, കൊല്ലത്ത് ശക്തമായ തിരകള്, മത്സ്യതൊഴിലാളികള്ക്ക് ജാഗ്രത നിര്ദേശം നല്കി അധികൃതര്
തൈക്കടപുറം അഴീത്തലയില് കടലിന്റെ തിരയിളക്കം ഇതുവരെ കാണാത്ത പ്രതിഭാസമെന്ന് മത്സ്യതൊഴിലാളികള് സാക്ഷ്യപെടുത്തുന്നു.ഇതിനിടയില് ബോട്ട് മറിഞ്ഞ് കാണാതായ പുതിയവളപ്പ് സ്വദേശി സുനിലിനായുള്ള തിരച്ചില് ഊര്ജിതമാക്കി.കടലും പുഴയും ഒത്തുചേരുന്ന നീലേശ്വരം അഴിത്തലയില് ഇന്നലെ ഉച്ചയോടെയാണ് കടല് പ്രക്ഷുബ്ദമായത് .
തൈക്കടപ്പുറം പുളിമൂട്ടിലേക്ക് ബോട്ടുകള് എത്തുന്ന ഇവിടെ സുനാമിയുണ്ടായ സമയങ്ങളില് പോലും ഇത്ര തിരയിളക്കം അനുഭവപെട്ടിട്ടില്ലെന്നാണ് മത്സ്യതൊഴിലാളികള് പറയുന്നത്.നൂറു കണക്കിന് ബോട്ടുകളാണ് ഇവിടെ നിന്നും മത്സ്യ ബന്ധനത്തിനായി ദിവസവും പുറപ്പെടുന്നത് .എന്നാല് യാദ്രശചികമായ വന്ന ശക്തമായ തിര ഇവരെ പരിഭ്രാന്തരാക്കി .
ഇതില് പെട്ടാണ് ഒരു ബോട്ട് മറിഞ്ഞത് .അപകടത്തില് ഗുരുതരമായി പരിക്കേറ്റ രണ്ട് പേര് ചികിത്സയിലാണ് .കടലില് കുടുങ്ങിയ 19 ബോട്ടുകളെ മണിക്കൂറുകളോളം നീണ്ട പരിശ്രമത്തിനൊടുവിലാണ് കരിയലെക്കെത്തിക്കാനായത് .ജില്ലാ ഭരണകൂടം ഉണര്ന്ന് പ്രവര്ത്തിച്ചതിനാല് വന് ദുരന്തം ഒഴിവായി .വരുന്ന രണ്ട് ദിവസങ്ങള് കൂടി മത്സ്യതൊഴിലാളികള് ജാഗ്രത പാലിക്കണമെന്ന് അധികൃതര് മുന്നറിയപ്പ് നല്കിയിട്ടുണ്ട്.
കേരള തീരത്തേക്കാള് ശക്തിപ്രാപിച്ച് ഓഖി ലക്ഷദ്വീപില്. മിനിക്കോയി, കല്പേനി ദ്വീപുകളില് ഓഖി ചുഴലിക്കാറ്റ് ആഞ്ഞടിക്കുന്നു. മരണങ്ങളൊന്നും ഇതുവരെ റിപ്പോര്ട്ട് ചെയ്തിട്ടില്ല. എന്നാല് ഒട്ടേറെ വീടുകള് തകര്ന്നടിഞ്ഞെന്ന് ലക്ഷദ്വീപ് എംപി മുഹമ്മദ് ഫൈസല് അറിയിച്ചു. ശനിയാഴ്ച 145 കി.മീ. വേഗത്തില് വരെ ലക്ഷദ്വീപില് കാറ്റിനു സാധ്യതയുണ്ട്.
കനത്ത തിരയില് കല്പേനിയില് തയാറാക്കിയ ഹെലിപ്പാഡും കരയിലേക്ക് തിരയടിച്ചു കയറാതിരിക്കാന് ഒരുക്കിയ സംവിധാനങ്ങളും തകര്ന്നു. രക്ഷാദൗത്യം വേഗത്തിലാക്കാന് ചുഴലിക്കാറ്റ് വരുന്നതായി മുന്നറിയിപ്പു നേരത്തേ ലഭിച്ചതിനു തുടര്ന്നു സ്വീകരിച്ച നടപടികള് സഹായിച്ചതായും എംപി പറഞ്ഞു.
ഏഴു പേരെ കവരത്തിയില് മുങ്ങിപ്പോയ ഉരുവില് നിന്ന് രക്ഷപ്പെടുത്തി. മിനിക്കോയിയിലും കല്പേനിയിലും അഞ്ചു വീതം മത്സ്യബന്ധന ബോട്ടുകള് മുങ്ങിപ്പോയി.വെള്ളിയാഴ്ച രാവിലെ എട്ടു മുതല് വീശിത്തുടങ്ങിയ ശക്തിയേറിയ കാറ്റില് മരങ്ങള് കടപുഴകി. തുടര്ന്ന് അതീവ ജാഗ്രതാ നിര്ദേശം പുറപ്പെടുവിച്ചു.
ലക്ഷദ്വീപില് കാറ്റും മഴയും നാശം വിതയ്ക്കുമെന്നാണ് കാലാവസ്ഥാ കേന്ദ്രത്തിന്റെ മുന്നറിയിപ്പ്. റോഡ്, വീടുകള്, വൈദ്യുതി ശൃംഖല, കൃഷി എന്നിയ്ക്ക് നാശനഷ്ടം ഉണ്ടാവും. മിനിക്കോയ്, കല്പേനി, കവരത്തി, ആന്ഡ്രോത്ത്, അഗതി, അമിനി, കടമത്, കില്ട്ടന്, ബിത്ര, ചെത്ലത്ത് എന്നിവിടങ്ങളില് കൂറ്റന് തിരമാലയുണ്ടാവും. 7.4 മീറ്റര് വരെ ഉയരത്തില് തിരമാലയടിക്കുമെന്നാണ് അറിയിപ്പ്.എംപി കേന്ദ്ര ആഭ്യന്തര മന്ത്രി രാജ്നാഥ് സിങ്ങുമായി ഫോണില് ചര്ച്ച നടത്തിയതായും അറിയിച്ചു.
https://www.facebook.com/Malayalivartha
