എ.കെ.ജിയെ ബാലപീഡകനെന്ന് ഫെയിസ്ബുക്കിലൂടെ വിശേഷിപ്പിച്ച വി.ടി ബല്‍റാം എം.എല്‍.എയെ കോണ്‍ഗ്രസ് നേതാക്കള്‍ ഉള്‍പ്പെടെ ആക്രമിക്കുമ്പോള്‍ പിന്തുണയുമായി മുന്‍ കെ.പി.സി.സി വക്താവ് രാജ്‌മോഹന്‍ ഉണ്ണിത്താന്‍. എ. കെ ഗോപാലനെ കുറിച്ച് യാഥാര്‍ത്ഥ്യമല്ലാത്ത കാര്യങ്ങളൊന്നും ബല്‍റാം പറഞ്ഞിട്ടില്ലെന്നും അതിനാല്‍ മാപ്പ് പറയേണ്ടതില്ലെന്നും അദ്ദേഹം പറഞ്ഞു. ഭാര്യയുള്ള വിവരം മറച്ചുവെച്ചിട്ടാണോ അനശ്വരമായി മറ്റൊരു പെണ്ണിനെ പ്രേമിക്കുന്നത്? എ.കെ.ജി എത്രാമത്തെ വയസിലാണ് ഒളിവില്‍ പോയത്? സുശീലാ ഗോപാലനെ പ്രേമിക്കുമ്പോള്‍ എ.കെ.ജിയുടെ പ്രായമെന്താ? സുശീലയുടെ പ്രായമെന്താ? ചരിത്രം വളച്ചൊടിക്കാനുള്ളതല്ലെന്നും ഉണ്ണിത്താന്‍ വ്യക്തമാക്കി. 

ലൈംഗിക ദാരിദ്ര്യം അനുഭവിക്കുന്ന ഒരുപാട് മാര്‍ക്‌സിസ്റ്റുകാര്‍ ഈ നാട്ടിലുണ്ട്. പീഡനം എന്ന വാക്കിന് ഒരര്‍ത്ഥം മാത്രമല്ല ഉള്ളത്. സ്വന്തം ഭാര്യയുള്ളപ്പോള്‍ ഗോപാലന്‍ തനിക്ക് പിന്നാലെ നടന്നെന്ന് കെആര്‍ ഗൗരിയമ്മ പറഞ്ഞിട്ടുണ്ടെന്നും ഉണ്ണിത്താന്‍ ആരോപിച്ചു. കഴുത് കാമം കരഞ്ഞു തീര്‍ക്കുന്നത് പോലെയാണ് എംഎം മണി. മണി മറ്റ് നേതാക്കളെ അധിക്ഷേപിച്ച് കാമം തീര്‍ക്കുന്നത്. മന്ത്രിയെ നിലയ്ക്കുനിര്‍ത്താന്‍ എന്തുകൊണ്ട് പിണറായി തയ്യാറായില്ല. വിടി ബല്‍റാമിനെ വളഞ്ഞിട്ട് ആക്രമിക്കുന്ന അവര്‍ കാറല്‍ മാര്‍ക്‌സിന്റെ ജീവചരിത്രം പഠിക്കണം. അത് കഴിഞ്ഞാല്‍ സദാചാരത്തെക്കുറിച്ച് പറയാന്‍ ഇന്ത്യയില്‍ ഒരു കമ്മ്യൂണിസ്റ്റുകാരനും ഉണ്ടാകില്ലെന്നും ഉണ്ണിത്താന്‍ പറഞ്ഞു.

ഗൗരിയമ്മ എ.കെ.ജിയെ കുറിച്ച് മോശമായി പറഞ്ഞെന്ന രാജ്‌മോഹന്‍ ഉണ്ണിത്താന്റെ വെളിപ്പെടുത്തല്‍ വിവാദങ്ങളില്‍ നിന്ന് വീണ്ടും വിവാദങ്ങളിലേക്ക് കേരളരാഷ്ട്രീയത്തെ കൊണ്ടുപോകുമെന്ന് ഉറപ്പാണ്. കാറല്‍മാക്‌സിനെതിരെ മുമ്പും ഉണ്ണിത്താന്‍ വിവാദ പ്രസ്താവന നടത്തിയിട്ടുണ്ട്. മാര്‍ക്‌സ് ലൈംഗിക അരാജകത്വ ജീവിതമാണ് നയിച്ചിരുന്നതെന്നും ഭാര്യ ജെന്നിയെ കൂടാതെ വേലക്കാരിയല്‍ മാര്‍ക്‌സിന് കുട്ടിയുണ്ടെന്നും പറഞ്ഞിരുന്നു. മലപ്പുറത്ത് വെച്ച് ഉണ്ണിത്താനെയും സേവാദള്‍ പ്രവര്‍ത്തകയെയും ഡി.വൈ.എഫ്.ഐയുടെ സദാചാര പൊലീസ് തടഞ്ഞെ് വെച്ച് പൊലീസില്‍ എല്‍പ്പിച്ചിരുന്നു. സംഭവത്തില്‍ ഹൈക്കോടതി ഉണ്ണിത്താനെ വെറുതെ വിട്ടതിനെ തുടര്‍ന്ന് തിരുവനന്തപുരം പ്രസ്‌ക്ലബില്‍ നടത്തിയ വാര്‍ത്താസമ്മേളനത്തിലാണ് രാജ്‌മോഹന്‍ ഉണ്ണിത്താന്‍ ഇക്കാര്യങ്ങള്‍ പറഞ്ഞിരുന്നത്.