ന​ഴ്സു​മാ​രു​ടെ ശമ്പള പ​രി​ഷ്ക​ര​ണം സം​ബ​ന്ധി​ച്ച് സ​ർ​ക്കാ​ർ അ​ന്തി​മ വി​ജ്ഞാ​പ​ന​മി​റ​ക്കു​ന്ന​തി​ന് സ്റ്റേ. ഹൈ​ക്കോ​ട​തി​യാ​ണ് വി​ജ്ഞാ​പ​ന​മി​റ​ക്കു​ന്ന​ത് സ്റ്റേ ​ചെ​യ്തി​രി​ക്കു​ന്ന​ത്. മിനിമം വേതനം ഉറപ്പാക്കുന്ന വിജ്ഞാപനം 31ന് ഇറക്കാനായിരുന്നു സർക്കാർ‌ തീരുമാനം. ഇ​തി​നെ​തി​രെ സ്വ​കാ​ര്യ ആ​ശു​പ​ത്രി മാ​നേ​ജു​മെ​ന്‍റു​ക​ൾ സ​മ​ർ​പ്പി​ച്ച ഹ​ർ​ജി​യി​ലാ​ണ് കോ​ട​തി വി​ധി.

ശ​മ്പ​ള പ​രി​ഷ്ക​ര​ണം ന​ട​പ്പാ​ക്കി​യാ​ൽ ആ​ശു​പ​ത്രി​ക​ൾ​ക്കു വ​ലി​യ പ്ര​തി​സ​ന്ധി​യു​ണ്ടാ​കു​മെ​ന്നും രോ​ഗി​ക​ളു​ടെ ചി​കി​ത്സാ​ഭാ​രം കൂ​ടു​മെ​ന്നും മാ​നേ​ജ്മെ​ന്‍റ് കോ​ട​തി​യെ അ​റി​യി​ച്ചു. എ​ന്നാ​ൽ കേ​സി​ൽ വാ​ദം തു​ട​രു​മെ​ന്നും വി​ജ്ഞാ​പ​നം ഇ​റ​ക്കു​ന്ന​ത് സ്റ്റേ ​ചെ​യ്യു​ന്ന​താ​യും കോ​ട​തി ഉ​ത്ത​ര​വി​ടു​ക​യാ​യി​രു​ന്നു.

ശമ്പള പരിഷ്കരണം സംബന്ധിച്ച് അവസാന വിജ്ഞാപനം 31നു മുമ്പ് പുറപ്പെടുവിക്കാൻ മുഖ്യമന്ത്രി പിണറായി വിജയന്റെ അധ്യക്ഷതയിൽ ചേർന്ന ഉന്നതതലയോഗമാണു തീരുമാനിച്ചത്. ഇതനുസരിച്ചു മാർച്ച് ആറിനു തുടങ്ങാനിരുന്ന സമരം യു എൻ എ മാറ്റിവച്ചിരുന്നു.