ഫോട്ടോ എടുത്തതിനു ശേഷം കാല് നൂറ്റാണ്ട് മുന്പ് ഞാന് കോളേജില് പഠിക്കുമ്പോള് ദാസേട്ടന്റെ തോളില് കൈ ഇട്ടെടുത്ത ചിത്രം കാണിച്ചപ്പോള് ദാസേട്ടന് ചിരിച്ചു ; വിമർശനങ്ങൾക്കിടയിൽ യേശുദാസുമായുള്ള ചിത്രം പങ്കുവച്ച് യുവാവ്
ദേശീയ ചലച്ചിത്ര അവാര്ഡ് വിതരണ വേദിക്ക് പുറത്ത് വച്ച് തനിക്കൊപ്പം നിന്ന് സെല്ഫിയെടുക്കാന് ശ്രമിച്ച യുവാവിനോട് ഗായകന് യേശുദാസിന്റെ സമീപനം ഏറെ വിവാദങ്ങൾക്ക് വഴിവച്ചിരുന്നു. യേശുദാസിന്റെ പ്രവര്ത്തിയെ അനുകൂലിച്ചും പ്രതികൂലിച്ചും നിരവധിപേർ രംഗത്ത് വന്നിരുന്നു. ഇതിനിടയിൽ ഒരു വര്ഷം മുമ്പ് യേശുദാസിനൊപ്പം സെല്ഫിയെടുക്കാന് ശ്രമിച്ച അനൂപ് വര്ഗീസ് എന്ന യുവാവിന്റെ പോസ്റ്റ് ശ്രദ്ധേയമാകുന്നു.
അനൂപിന്റെ ഫേസ്ബുക് പോസ്റ്റ് ഇങ്ങനെ ;
സെല്ഫി എടുത്ത ആരാധകനില് നിന്നും മൊബൈല് ഫോണ് പിടിച്ചുവാങ്ങി ഫോട്ടോ ഡിലീറ്റ് ചെയ്ത യേശുദാസ് വിവാദത്തില് പെട്ടിരിക്കുന്ന സാഹചര്യത്തില് യേശുദാസിനോടൊപ്പം ചിത്രം എടുത്തിട്ടുള്ള ഒരാളെന്ന നിലയില് ഞാന് എന്റെ അനുഭവം പങ്കുവെക്കാം.
ഒരു വര്ഷം മുന്പ് ദുബായ് വിമാനത്താവളത്തില് വെച്ചാണ് ഞാന് യേശുദാസിനെ കണ്ടു മുട്ടിയത് . യാത്ര സുഖമായിരുന്നോ എന്ന് ചോദിച്ചതിനു ശേഷം കൂടെ നിന്ന് ഫോട്ടോ എടുക്കാനുള്ള എന്റെ ആഗ്രഹം ഞാന് പ്രകടിപ്പിച്ചു . എത്ര ചിത്രങ്ങള് വേണമെങ്കിലും എടുത്തോ പക്ഷേ സെല്ഫി വേണ്ട എന്ന് യേശുദാസ് പറഞ്ഞു. അതിന്റെ കാരണം തിരക്കിയ എന്നോട് യേശുദാസ് ഇങ്ങനെയാണ് പറഞ്ഞത് :
'' മനുഷ്യര് സമൂഹ ജീവികളാണ്. നമുക്ക് നമ്മുടെ സഹജീവികളുടെ സഹായവും സഹകരണവും ഇല്ലാതെ ജീവിക്കാന് സാധിക്കില്ല . ഇന്നത്തെ തലമുറ അതിനൊന്നും ശ്രമിക്കാതെ ഓരോ തുരുത്തുകളായി ജീവിക്കുകയാണ് . ഒരു ഫോട്ടോ എടുക്കാന് പോലും അവര് ആരുടേയും സഹായം തേടാറില്ല. അതുകൊണ്ട് തന്നെ സെല്ഫി എടുക്കുന്നത് എനിക്ക് ഒട്ടും ഇഷ്ടമല്ല .''
വിമാനത്താവളത്തില് അധികം തിരക്കുണ്ടായിരുന്നില്ല . അതുകൊണ്ട് കുറച്ചു നേരം കാത്തു നിന്നതിന് ശേഷമാണ് ഫോട്ടോ എടുക്കാന് ഒരാളെ കിട്ടിയത് . യേശുദാസ് തന്നെയാണ് ആളോട് ഒരു ഫോട്ടോ എടുക്കാന് സഹായിക്കണമെന്ന് പറഞ്ഞത് . ഫോട്ടോ എടുത്തതിനു ശേഷം കാല് നൂറ്റാണ്ട് മുന്പ് ഞാന് കോളേജില് പഠിക്കുമ്പോള് ദാസേട്ടന്റെ തോളില് കൈ ഇട്ടെടുത്ത ചിത്രം കാണിച്ചപ്പോള് ദാസേട്ടന് ചിരിച്ചു . പ്രശസ്തരോ അപ്രശസ്തരോ ആരായാലും ശരി , കൂടെ നിന്ന് ഒരു ചിത്രം എടുക്കണമെങ്കില് അനുവാദം ചോദിക്കണം എന്നാണ് എന്റെ പക്ഷം .
https://www.facebook.com/Malayalivartha
