എന്ഡിഎ വിടേണ്ട സാഹചര്യം ഇല്ലെന്ന് മകന് ഒറ്റയ്ക്ക് മത്സരിച്ച് കരുത്ത് തെളിയിക്കണമെന്ന് അച്ഛന്; ഞങ്ങള്ക്ക് സ്വന്തമായി വോട്ടുകള് ഉണ്ടെന്ന് തുഷാര് വെള്ളാപ്പള്ളി
നിലവില് എന് ഡി എ വിടേണ്ട സാഹചര്യം ഇല്ലെന്ന് തുഷാര് വെള്ളാപ്പള്ളി. പ്രശ്നങ്ങള് പരിഹരിക്കുമെന്നാണ് കരുതുന്നതെന്നും തുഷാര് വെള്ളാപ്പള്ളി പറഞ്ഞു. എന് ഡി എ കണ്വെന്ഷനില് പങ്കെടുക്കാതിരിക്കുന്നത് പ്രതിഷേധം അറിയിക്കാനാണെന്നും ഇത് പാര്ട്ടി ഒറ്റക്കെട്ടായി എടുത്ത തീരുമാനമാണെന്നും തുഷാര് വെള്ളാപ്പള്ളി മാധ്യമങ്ങളോട് പറഞ്ഞു. സിപിഎം. കോണ്ഗ്രസ് പാര്ട്ടികള് ബി ഡി ജെ എസിനെ ക്ഷണിക്കുന്നത് സ്വാഗതാര്ഹമെന്നും ഇക്കാര്യങ്ങള് പാര്ട്ടി ചര്ച്ച ചെയ്യുമെന്നും തുഷാര് കൂട്ടിച്ചേര്ത്തു. ഞങ്ങള്ക്ക് സ്വന്തമായി വോട്ടുകള് ഉണ്ട് അതിനാല് എല്ലാകാലത്തും പാര്ട്ടികള്ക്ക് ഞങ്ങളെ വേണ്ടിവരുമെന്നും തുഷാര് പറഞ്ഞു.
ചെങ്ങന്നൂരില് ബി.ഡി ജെ.എസ് ഒറ്റയ്ക്ക് മത്സരിച്ച് കരുത്ത് തെളിയിക്കണമെന്ന് വെള്ളാപ്പള്ളി നടേശന്. ബി ഡി.ജെഎസ് ഇല്ലാതെ ചെങ്ങന്നൂരില് ഇന്ന് എന്.ഡിഎ കണ്വന്ഷന് നടക്കാനിരിക്കെയാണ് വെളളാപ്പളളിയുടെ പരാമര്ശം. എന്നാല് ബി ഡി ജെ എസ് വോട്ടുകള് ചോരില്ലെന്ന് പി എസ് ശ്രീധരന് പിള്ളയും പ്രതികരിച്ചു.
ചെങ്ങന്നൂര് തെരഞ്ഞെടുപ്പ് കണവന്ഷന് വേദിയിലെ പോസ്റ്ററില് തുഷാര് വെള്ളാപ്പള്ളിയുടെ ചിത്രമുണ്ടങ്കിലും ബി ഡി ജെ ' എസിന്റെ പതാക എങ്ങുമില്ല. മൈക്ക് അനൗണ്സ് മെന്റിലും തുഷാര് വെള്ളാപ്പള്ളിയുടെ പേരില്ല. ബി സി ജെ എസ് ബി ജെ പി തര്ക്കം തുടരുന്നതിനിടെയാണ് വെള്ളാപ്പള്ളി നടേശന് തന്നെ നിലപാട് വ്യക്തമാക്കി രംഗത്തെത്തിയത്. ചെങ്ങന്നൂരില് ബി.ഡി ജെ.എസ് തനിച്ചു മല്സരിച്ചാല് മറ്റ് രാഷട്രീയ പാര്ട്ടികള്ക്ക് അത് മുന്നറിയിപ്പാകും. അല്ലെങ്കില് എങ്ങുമെത്തില്ലെന്ന് വെള്ളാപ്പള്ളി നടേശന് പറഞ്ഞു.
ബി ഡി ജെ എസ് എന് ഡി എ വിടുമെന്ന പ്രചാരണം മലര്പ്പൊടിക്കാരന്റെ സ്വപ്നം മാത്രമാണെന്ന് വി. മുരളീധരന് എം പി പറഞ്ഞു. കര്ണാടക തെരഞ്ഞെടുപ്പ് ഫലം വരുന്നതോടെ ബി.ഡി ജെ.എസ് നിസഹകരണം അവസാനിപ്പിക്കുമെന്നാണ് പ്രതീക്ഷയെന്ന് എന്ഡിഎ സ്ഥാനാര്ഥി പി.എസ് ശ്രീധരന് പിള്ള പ്രതികരിച്ചു. എന്നാല് ആരു വിളിച്ചാലും ചെങ്ങന്നൂരിലെ തെരഞ്ഞെടുപ്പ് കണ്വന്ഷനില് പങ്കെടുക്കില്ലെന്ന് ബി.ഡി ജെ.എസ് നേതാക്കള് അറിയിച്ചു. കേന്ദ്ര മന്ത്രി പ്രകാശ് ജാവദേക്കറാണ് കണ്വന്ഷന് ഉദ്ഘാടനം ചെയ്യുന്നത്
https://www.facebook.com/Malayalivartha
