2013ലെ മുസഫര്‍നഗര്‍ കലാപത്തിലെ പ്രതി ദുരൂഹസാഹചര്യത്തില്‍ മരിച്ച നിലയില്‍. സിക്കദ ഗ്രാമത്തിലെ സോദന്‍ സിങ്ങിനെയാണ് ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തിയത്. പൊലീസാണ് ഇക്കാര്യം അറിയിച്ചത്. ഇന്നലെ സ്വന്തം വീട്ടിലെ സീലിങ് ഫാനില്‍ ഇയാളെ തൂങ്ങി മരിച്ച നിലയില്‍ കണ്ടെത്തുകയായിരുന്നു. ഇയാളുടെ മൃതദേഹം പോസ്റ്റ്മാര്‍ട്ടത്തിന് അയച്ചിട്ടുണ്ടെന്നും അന്വേഷണം നടക്കുകയാണെന്നും പൊലീസ് വ്യക്തമാക്കി.

അതേ സമയം, പിതാവിന്റെ മരണം കൊലപാതകമാണെന്ന് ആരോപിച്ച് സോദന്‍ സിങ്ങിന്റെ മകന്‍ പൊലീസില്‍ പരാതി നല്‍കിയിട്ടുണ്ട്. ഈ പരാതിയിലും അന്വേഷണം നടത്തുമെന്ന് പൊലീസ് വ്യക്തമാക്കി. 2013 ആഗസ്റ്റ്‌സെപ്തംബര്‍ മാസത്തിലാണ് മുസഫര്‍നഗറില്‍ കലാപമുണ്ടായത്. കലാപത്തില്‍ 60 പേര്‍ മരിച്ചിരുന്നു.