ക്രിസ്മസ് ആഘോഷിക്കാനായി സുവോളജിക്കല് പാര്ക്കിലെത്തിയ രണ്ടുവയസ്സുകാരന് ബാറ്ററി കാറിടിച്ച് ദാരുണാന്ത്യം
ക്രിസ്മസ് ആഘോഷിക്കാനായി സുവോളജിക്കല് പാര്ക്കിലെത്തിയ രണ്ടു വയസ്സുകാരന് ബാറ്ററിയില്
പ്രവര്ത്തിക്കുന്ന കാറിടിച്ച് മരിച്ചു. ഹൈദരാബാദ് സ്വദേശി മുഹമ്മദ് സിദ്ദീഖിന്റെ മകന് മുഹമ്മദ് ഒമര് സിദ്ദീഖ് അഹമ്മദാണ് അപകടത്തില് മരിച്ചത്. കഴിഞ്ഞദിവസമായിരുന്നു സംഭവമുണ്ടായത്. ക്രിസ്മസ് അവധി ആഘോഷിക്കാനാണ് മുഹമ്മദ് സിദ്ദീഖും കുടുംബവും ഇന്നലെ ഹൈദരാബാദിലെ നെഹ്റു സുവോളജിക്കല് പാര്ക്കിലെത്തിയത്.
അവധിദിവസമായതിനാല് മൃഗശാലയില് നല്ല തിരക്കായിരുന്നു. രണ്ടുവയസുകാരന് കളിക്കുന്നതിനിടെ അതുവഴിയെത്തിയ ബാറ്ററി കാര് കുട്ടിയെ ഇടിച്ചുതെറിപ്പിക്കുകയായിരുന്നു. അപകടത്തില് പരിക്കേറ്റ കുട്ടിയെ ഉടന് സമീപത്തെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. സംഭവവുമായി ബന്ധപ്പെട്ട് വാഹനം ഓടിച്ചിരുന്ന െ്രെഡവര് ഹരിയെ ബഹാദുര്പുര പോലീസ് കസ്റ്റഡിയിലെടുത്തു.
അതേസമയം, ഉച്ചയ്ക്ക് 2.30ന് ശേഷം ബാറ്ററി കാറുകള് സര്വ്വീസ് നടത്തരുതെന്നാണ് മൃഗശാലയിലെ നിയമം. സന്ദര്ശകരുടെ തിരക്ക് കണക്കിലെടുത്താണ് ബാറ്ററി വാഹനങ്ങള്ക്ക് ഈ നിയന്ത്രണമേര്പ്പെടുത്തിയിരിക്കുന്നത്. എന്നാല് വന് ജനതിരക്കുണ്ടായിട്ടും കഴിഞ്ഞദിവസം ബാറ്ററി വാഹനങ്ങള് ഉച്ചയ്ക്കുശേഷവും സര്വ്വീസ് നടത്തിയിരുന്നു.
"
https://www.facebook.com/Malayalivartha
