ബി.എസ്.എന്.എല്ലിനോട് ഗുഡ്ബൈ പറഞ്ഞവര് ഒരുകോടി
ഉദ്യോഗസ്ഥരുടെ ആഗ്രഹം സഫലമായി. എല്ലാവരും ഒത്തൊരുമയോടെ പ്രവര്ത്തിച്ചതോടെ ബി. എസ് എന്.എല്ലിന്റെ കാര്യം കട്ടപ്പുകയാകുന്നു. ഒരു കമ്പനിയെ എങ്ങനെ തകര്ത്തെടുക്കാം എന്നതിന്റെ ഉത്തമ ഉദാഹരണമാണ് ബി.എസ്.എന്.എല്. സ്വകാര്യ കമ്പനികളുടെ കിട മത്സരത്തില് എന്നും സാധാരണക്കാരുടെ കീശയ്ക്ക് ആശ്വാസം നല്കുന്നത് ബി.എസ്.എന്.എല്ലാണ്. എന്നാല് നെറ്റ് വര്ക്ക് പ്രശ്നങ്ങള് മനപൂര്വ്വം സൃഷ്ടിച്ചെടുക്കാനാണ് ജീവനക്കാരുടെ ശ്രമം.
ബി.എസ്.എന്.എല്ലിനു കഴിഞ്ഞ ഏഴുമാസത്തിനിടയില് ഒരു കോടിയിലേറെ ഉപയോക്താക്കളെ നഷ്ടമായി. കേന്ദ്ര വിവര സാങ്കേതിക വകുപ്പു മന്ത്രി രവിശങ്കര് പ്രസാദ് ലോക്സഭയില് ആന്റോ ആന്റണി, എം.കെ. രാഘവന് എന്നിവരെ അറിയിച്ചതാണിക്കാര്യം. കഴിഞ്ഞ മാര്ച്ച് 31 മുതല് ഒക്ടോബര് 31 വരെയുള്ള കാലയളവിലാണ് ആളുകള് ബി.എസ്.എന്.എല്ലിനെ ഉപേക്ഷിച്ചത്.
നിലവില് 10.22 കോടി ഉപയോക്താക്കളാണ് ബി.എസ്.എന്.എല്ലിനുള്ളത്. ബി.എസ്.എന്.എല്ലിന്റെ മാര്ക്കറ്റ് ഷെയറും ഇടിഞ്ഞു. ഇക്കഴിഞ്ഞ മാര്ച്ചില് ബി.എസ്.എന്.എല്ലിന്റെ മാര്ക്കറ്റ് ഷെയര് 12.13 ശതമാനമായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
