റിയാലിറ്റി ഷോയിൽ അവസരങ്ങൾ കിട്ടാൻ ‘ടിക്ടോക്കി’ൽ വീഡിയോ; സുഹൃത്തുക്കൾ കളിച്ചത് 19കാരന്റെ ജീവൻവച്ച്...തലയിടിച്ചുവീണ യുവാവ് കഴുത്തൊടിഞ്ഞ് മരിച്ചു
‘ടിക്ടോക്കി’ൽ പ്രദർശിപ്പിക്കാനായി, വായുവിൽ മലക്കംമറിയുന്ന വീഡിയോ ചിത്രീകരിക്കുന്നതിനിടെ ഗുരുതരമായി പരിക്കേറ്റ പത്തൊമ്പതുകാരൻ മരിച്ചു. കർണാടകത്തിലെ തുമകൂരു സ്വദേശി കുമാറാണ് എട്ടുദിവസത്തിനുശേഷം ബെംഗളൂരു വിക്ടോറിയ ആശുപത്രിയിൽ മരിച്ചത്. 15-നാണ് കുമാറിന് വീഡിയോ ചിത്രീകരണത്തിനിടെ നിലത്തുവീണ് നട്ടെല്ലിന് ഗുരുതരമായി പരിക്കേറ്റത്.
മരണത്തിന് ഇടയാക്കിയ വീഡിയോയും സാമൂഹികമാധ്യമങ്ങളിൽ പ്രചരിച്ചു. സുഹൃത്തിന്റെ കൈകളിൽ ചവിട്ടി വായുവിലൂടെ പുറകോട്ട് മലക്കംമറിയുന്ന വീഡിയോയാണ് ചിത്രീകരിക്കാൻ ശ്രമിച്ചത്. തലകുത്തിവീണ യുവാവിന്റെ കഴുത്ത് മടങ്ങിപ്പോകുന്നതും വീഡിയോയിൽ കാണാം. പ്രദേശത്തെ നൃത്തസംഘത്തിൽ പ്രവർത്തിച്ചുവരികയായിരുന്നു യുവാവ്. ‘ടിക്ടോക്കി’ൽ വീഡിയോകൾചെയ്ത് പ്രശസ്തനായാൽ റിയാലിറ്റി ഷോയിലുൾപ്പെടെ കൂടുതൽ അവസരങ്ങൾ ലഭിക്കുമെന്ന് കുമാർ കൂട്ടുകാരോട് പറഞ്ഞിരുന്നു. സുഹൃത്തുക്കളാണ് ടിക്ക്ടോക്കിനായി കുമാരസ്വാമിയെ കൊണ്ട് ബാക്ക് ഫ്ളിപ്പ് ചെയ്യിച്ചത്. കുമാരസാമിയുടെ കൂട്ടുകാര് തന്നെ ചിത്രീകരിച്ച വീഡിയോ പിന്നീട് സമൂഹമാധ്യമങ്ങളില് പ്രചരിച്ചിരുന്നു. എന്നാല്, കുമാരസാമിക്ക് സമൂഹമാധ്യമങ്ങളുടെ സാധ്യതകളെ കുറിച്ച് അറിയില്ലെന്നും സ്വന്തമായി സ്മാര്ട്ട് ഫോണ് പോലും ഇല്ലാത്തയാളാണ് കുമാരസാമിയെന്നുമാണ് അദ്ദേഹത്തിന്റെ ബന്ധുക്കള് പറയുന്നത്. റിയാലിറ്റി ഷോകളിലും സ്റ്റേജ് പ്രോഗ്രാമുകളിലുമാണ് സാധാരണ ഇയാള് ഡാന്സ് ചെയ്യാറുള്ളത്. നൃത്തത്തിനിടെ കുമാരസ്വാമി ചെയ്യാറുള്ള ഒന്നാണ് ബാക്ക് ഫ്ളിപ്പ്. എന്നാല് ഇത് അപകടത്തില് കലാശിക്കുകയായിരുന്നു.
സോഷ്യല് മീഡിയയില് പോസ്റ്റു ചെയ്യുന്നതിനായുള്ള വീഡിയോ ചിത്രീകരണത്തിനിടയില് പലതരം മരണങ്ങളും മുമ്ബ് റിപ്പോര്ട്ട് ചെയ്തിട്ടുണ്ട്. എന്നാല്, സോഷ്യല് മീഡിയയില് പോസ്റ്റു ചെയ്യാനായി ബാക്ക് ഫ്ളിപ്പ് ചെയ്യവേ സംഭവിച്ച ആദ്യ മരണമായാണ് ഇത് റിപ്പോര്ട്ട് ചെയ്യുന്നത്. സ്വന്തമായി വീഡിയോ ചിത്രീകരിച്ച് പങ്കുവെക്കാൻ സൗകര്യമൊരുക്കുന്ന മൊബൈൽ ആപ്ലിക്കേഷനാണ് ‘ടിക്ടോക്’. മുമ്പും ‘ടിക്ടോക്’ വീഡിയോ ചിത്രീകരണത്തിനിടെ പരിക്കേറ്റ സംഭവങ്ങളുണ്ടായിട്ടുണ്ട്. ഇതിൽ പ്രചരിക്കുന്ന സ്ത്രീകളുടെയും കുട്ടികളുടെയും ദൃശ്യങ്ങൾ ദുരുപയോഗം ചെയ്യുന്നതായും പരാതികൾ ഉയർന്നു. യുവാക്കളാണ് ഇത്തരം ആപ്പുകൾ കൂടുതലും ഉപയോഗിക്കുന്നത്. ഇതിൽ തന്നെ പെൺകുട്ടികളാണ് കൂടുതലും. ലോകത്തിൽ ഏറ്റവുമധികം ഡൌൺലോഡ് ചെയ്യപ്പെടുന്ന വീഡിയോകൾ ടിക്ടോക് വീഡിയോകൾ ആണ് എന്നാണ് ഇപ്പോൾ പുറത്തുവരുന്ന കണക്കുകൾ. ഇവയിൽ നല്ലൊരു പങ്കും ദുരുദ്ദേശത്തോടുകൂടി തന്നെ ഡൗൺലോഡ് ചെയ്യപ്പെടുന്നവയാണ് എന്നതാണ് യാഥാർത്ഥ്യം.
പെട്ടന്ന് പ്രശസ്തി നേടുന്നതിനായി പല പെൺകുട്ടികളും അർധ നഗ്നരായിയുള്ള വീഡിയോകൾ ടിക്ടോക്കിലൂടെ പുറത്തുവിടാറുണ്ട്. എന്നാൽ ഇത്തരം വീഡിയോകൾ ഡൗൺലോഡ് ചെയ്ത് പോൺ സൈറ്റുകളിൽ ഉപയോഗിക്കുന്നുണ്ട്. ഇതിനായി പ്രത്യേകം മാഫിയകൾ തന്നെ പ്രവർത്തിക്കുന്നുണ്ട്. പരാതികൾ വ്യാപകമായതോടെ ഏപ്രിലിൽ മദ്രാസ് ഹൈക്കോടതി ടിക് ടോക് നിരോധിച്ചെങ്കിലും പിന്നീട് ഉപാധികളോടെ പിൻവലിക്കുകയായിരുന്നു.
https://www.facebook.com/Malayalivartha