ഹോര്‍മുസ് കടലിടുക്കില്‍നിന്ന് ഇ​റാ​ന്‍ പി​ടി​ച്ചെ​ടു​ത്ത ബ്രി​ട്ടീ​ഷ് എ​ണ്ണ ടാ​ങ്ക​റി​ലെ ഇ​ന്ത്യ​ക്കാ​രു​ള്‍​പ്പെ​ടെയുള്ള ഏ​ഴ് ജീ​വ​ന​ക്കാ​രെ വി​ട്ട​യ​ച്ചു. ഇ​റാ​ന്‍ സ്റ്റേ​റ്റ് ടെ​ലി​വി​ഷ​ന്‍ ആ​ണ് ഇ​ക്കാ​ര്യം റി​പ്പോ​ര്‍​ട്ട് ചെയ്തിരിക്കുന്നത്. മാ​നു​ഷി​ക​പ​രി​ഗ​ണ​ന​യി​ലാ​ണ് ജീ​വ​ന​ക്കാ​രെ വി​ട്ട​യ​ക്കു​ന്ന​തെ​ന്ന് ഇ​റാ​ന്‍ വി​ദേ​ശ​കാ​ര്യ മ​ന്ത്രാ​ല​യം വ​ക്താ​വ് അ​ബ്ബാ​സ് മൂ​സ​വി അറിയിച്ചു. വി​ട്ട​യ​ക്ക​പ്പെ​ട്ട ജീ​വ​ന​ക്കാ​ര്‍​ക്ക് വേ​ഗം ത​ന്നെ ഇ​റാ​ന്‍ വി​ടാ​ന്‍ ക​ഴി​യു​മെ​ന്നും അ​ദ്ദേ​ഹം വ്യക്തമാക്കി. അഞ്ചു ഇന്ത്യക്കാരെയും ഒരു ലാറ്റ്‌വിയന്‍ സ്വദേശിയേയും ഒരു റഷ്യക്കാരനേയുമാണ് മോചിപ്പിച്ചത് എന്നും റിപ്പോർട്ടിൽ പറയുന്നു. ക​പ്പ​ല്‍ ന​ട​ത്തി​യ നി​യ​മ​ലം​ഘ​നം മാ​ത്ര​മാ​ണ് ത​ങ്ങ​ളു​ടെ പ്ര​ശ്നമെന്നും ജീ​വ​ന​ക്കാ​രു​മാ​യോ ക്യാ​പ്റ്റ​നു​മാ​യോ ത​ങ്ങ​ള്‍​ക്ക് പ്ര​ശ്ന​ങ്ങ​ളൊ​ന്നു​മി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ര്‍​ത്തു.

കഴിഞ്ഞ ജൂലൈ 19 നാണ് ഇറാന്‍ റവല്യൂഷണറി ഗാര്‍ഡ് കോര്‍പ്‌സ് സ്‌റ്റെനാ ഇംപേരോ എന്ന ബ്രിട്ടീഷ് കപ്പല്‍ പിടിച്ചെടുത്തത്. 23 അം​ഗ നാ​വി​ക സം​ഘ​മാ​ണ് ഈ ​എ​ണ്ണ ടാ​ങ്ക​റി​ലു​ള്ള​ത്. ഹോ​ര്‍​മൂ​സ് ക​ട​ലി​ടു​ക്കി​ല്‍​നി​ന്നും ആ​ണ് ക​പ്പ​ല്‍ ഇ​റാ​ന്‍ പി​ടി​ച്ചെ​ടു​ത്ത​ത്. അ​ന്താ​രാ​ഷ്ട്ര സ​മു​ദ്ര​നി​യ​മം ലം​ഘി​ച്ചെ​ന്നാ​രോ​പി​ച്ചാ​യി​രു​ന്നു ന​ട​പ​ടി. ജി​ബ്രാ​ള്‍​ട്ട​ര്‍ ക​ട​ലി​ല്‍ നി​ന്ന് ഇ​റാ​ന്‍റെ എ​ണ്ണ​ക്ക​പ്പ​ല്‍ ബ്രി​ട്ട​ന്‍ പി​ടി​ച്ചെ​ടു​ത്തി​രു​ന്നു. ഇ​തി​ന് പി​ന്നാ​ലെ​യാ​ണ് ബ്രി​ട്ട​ന്‍റെ എ​ണ്ണ​ക​പ്പ​ല്‍ ഇ​റാ​ന്‍ പി​ടി​ച്ചെ​ടു​ത്ത​ത്. നേരത്തേ ബ്രിട്ടീഷ് മറീനുകളുടെ സഹായത്തോടെ പിടിച്ചെടുത്ത ഇറാന്‍ കപ്പലും അതിലെ ജീവനക്കാരെയും വിട്ടയച്ചിരുന്നു.