ഇടിഞ്ഞുവീഴാറായ കെട്ടിടത്തിൽ ഹെൽമെറ്റ് ധരിച്ച് ജോലി ചെയ്യുന്ന ജീവനക്കാർ; സമൂഹമാധ്യമങ്ങളിൽ വൈറലായ ചിത്രം
ഉത്തര്പ്രദേശിലെ ബാണ്ഡയിലെ വൈദ്യുതി ഓഫീസില്നിന്നുള്ള വിത്യസ്ത ചിത്രങ്ങള് കഴിഞ്ഞദിവസങ്ങളില് സാമൂഹിക മാധ്യമങ്ങളില് വൈറലായിരുന്നു. ഹെല്മെറ്റ് ധരിച്ച് ജോലിചെയ്യുന്ന വൈദ്യുതി ഓഫീസ് ജീവനക്കാരുടെ ഈ ചിത്രങ്ങക്ക് പിന്നില് വൈദ്യുതി ഓഫീസിന്റെ ജീര്ണാവസ്ഥയാണ് വെളിവാകുന്നത് എന്നത് വ്യക്തമാണ് .
അത്തരത്തിൽ ബാണ്ഡയിലെ വൈദ്യുതി ഓഫീസ് പ്രവര്ത്തിക്കുന്നത് ഇടിഞ്ഞുവീഴാറായ കെട്ടിടത്തിലാണ്. ജോലിക്കിടെ മേല്ക്കൂരയുടെ ഭാഗങ്ങള് അടര്ന്നുവീഴുന്നതും നിത്യസംഭവമാണെന്നാണ് ജീവനക്കാർ പറയുന്നത്. അതിനാൽ തന്നെ ജോലിക്കിടെ എന്തെങ്കിലും അപകടമുണ്ടായാല് സ്വയരക്ഷയ്ക്ക് വേണ്ടിയാണ് തങ്ങള് ഹെല്മെറ്റ് ധരിച്ച് ജോലിചെയ്യുന്നതെന്നാണ് ജീവനക്കാര് പറയുന്നത്.
അതോടോപ്പം തന്നെ കെട്ടിടത്തിന്റെ ദുരവസ്ഥയെക്കുറിച്ച് നിരവധിതവണ ഉയര്ന്ന ഉദ്യോഗസ്ഥരെ വിവരമറിയിച്ചിട്ടും നടപടിയുണ്ടായില്ല. മഴക്കാലത്ത് കുട ചൂടിയാണ് ഓഫീസില് ജോലിചെയ്യാറുള്ളതെന്നും തങ്ങളില് ഒരാളുടെ ജീവന് നഷ്ടപ്പെട്ടാലേ അവര് പുനര്നിര്മാണം നടത്തുകയുള്ളൂവെന്നും ജീവനക്കാര് വെളിപ്പെടുത്തുന്നു. ഓഫീസിലെ ഫയലുകള് പോലും സൂക്ഷിക്കാന് ഇടമില്ലെന്നും ജീവനക്കാര് വ്യക്തമാക്കുകയുണ്ടായി. അതേസമയം, ചിത്രങ്ങളും വാര്ത്തകളും ഏറെ ചര്ച്ചയായിട്ടും സംഭവത്തെക്കുറിച്ച് മുതിര്ന്ന ഉദ്യോഗസ്ഥരാരും ഇതുവരെ പ്രതികരിച്ചിട്ടില്ല.
https://www.facebook.com/Malayalivartha