ബി.ജെ.പി നേതാവ് തന്നെ പീഡിപ്പിച്ചെന്ന പരാതിയുമായി പാര്ട്ടി പ്രവര്ത്തക ; നേതാവിനെതിരെ പോലീസ് കേസെടുത്തു
ബി.ജെ.പി നേതാവിനെതിരെ ആരോപണവുമായി പാര്ട്ടി പ്രവര്ത്തക. ലൈംഗികമായി പീഡിപ്പിച്ചുവെന്നും ഭീഷണിപ്പെടുത്തിയെന്നും ആരോപിച്ചാണ് പാര്ട്ടി പ്രവര്ത്തക പരാതി നൽകിയത്. പ്രാദേശിക ബി.ജെ.പി നേതാവിനെതിരെ പോലീസ് കേസെടുത്തു. ഉത്തര്പ്രദേശിലെ മുസാഫര്നഗര് ജില്ലയിലെ ബുദാന പട്ടണത്തിലാണ് ഈ സംഭവം നടന്നത്. മഹിളാ മോര്ച്ച പ്രവര്ത്തകയായ യുവതിയുടെ വീട്ടില് ജെയ്ന് കടക്കുകയും ലൈംഗികമായി ഉപദ്രവിച്ചതായും എതിര്ത്തപ്പോള് ഭീഷണിപ്പെടുത്തിയതായും പരാതിയില് പറയുന്നുണ്ട്.
തിങ്കളാഴ്ചയാണ് പീഡനം നടന്നതെന്ന് പരാതിക്കാരി പറയുന്നു. ബി.ജെ.പി മണ്ഡലം വൈസ് പ്രസിഡന്റ് ആശിഷ് ജെയിനെതിരെ കേസ് രജിസ്റ്റര് ചെയ്തതായും സര്ക്കിള് ഓഫീസര് കുശാല് പാല് സിംഗ് വ്യക്തമാക്കി. ഇന്ത്യന് ശിക്ഷാ നിയമത്തിലെ 354, 504, 506 , 452 വകുപ്പുകള് പ്രകാരമാണ് ജെയിനെതിരെ കേസെടുത്തത്. കേസില് അന്വേഷണം പുരോഗമിക്കുകയാണ്.
https://www.facebook.com/Malayalivartha