ഗഡ്ഗരി ഇറങ്ങും, കളി മാറും, ആ നീക്കം കണ്ട് ശിവസേന; ശിവസേന ആവശ്യങ്ങള് അറിയിച്ചാല് ചര്ച്ച ചെയ്ത് മുന്നോട്ടു പോകുമെന്ന് ബിജെപി
വാതില് 24 മണിക്കൂറും, തുറന്നിട്ടിരിക്കുകയാണെന്നും ശിവസേന ആവശ്യങ്ങള് അറിയിച്ചാല് ചര്ച്ച ചെയ്ത് മുന്നോട്ടു പോകുമെന്നും ബിജെപി. മുഖ്യമന്ത്രിസ്ഥാനം പങ്കുവയ്ക്കുന്നതില് ബിജെപിയില് നിന്നു രേഖാമൂലം ഉറപ്പു വേണമെന്ന് ആവര്ത്തിച്ച് ശിവസേന. മഹാരാഷ്്ട്രയില് രാഷ്ട്രീയ പ്രതിസന്ധിക്കു പരിഹാരമുണ്ടായില്ലെങ്കിലും ബിജെപി - സേനാ ചര്ച്ചയ്ക്കുള്ള സാധ്യത തുറന്നതാണ് ഇന്നലെയുണ്ടായ മാറ്റം.
ശിവസേനയുമൊത്ത് സര്ക്കാര് രൂപീകരിക്കാന് ഇല്ലെന്ന് സോണിയ; അനിശ്ചിതത്വം തുടരുന്നു. ദേവേന്ദ്ര ഫഡ്നാവിസിന്റെ നേതൃത്വത്തില് തന്നെ പുതിയ സര്ക്കാര് ഉടന് ഉണ്ടാകുമെന്നും മുഖ്യമന്ത്രിസ്ഥാനം പങ്കുവയ്ക്കില്ലെന്നും ബിജെപി സംസ്ഥാന അധ്യക്ഷന് ചന്ദ്രകാന്ത് പാട്ടീല് അറിയിച്ചു. അതിനിടെ, പ്രതിസന്ധി പരിഹരിക്കാന് കേന്ദ്രമന്ത്രി നിതിന് ഗഡ്കരിയെ നിയോഗിക്കണമെന്നാവശ്യപ്പെട്ട് ശിവസേനാ നേതാവ് കിഷോര് തിവാരി ആര്എസ്എസ് മേധാവി മോഹന് ഭഗവതിനു കത്തെഴുതി. ഗഡ്കരി ഇടപെട്ടാല് 2 മണിക്കൂറിനകം പ്രശ്നം പരിഹരിക്കുമെന്നാണു കത്തില്.
ഫഡ്നാവിസിന്റെ വസതിയില് കോര് കമ്മിറ്റി യോഗം. സര്ക്കാര് രൂപീകരണവുമായി ബന്ധപ്പെട്ട് മുതിര്ന്ന നേതാക്കള് യോഗം ചേരുന്നതും ശിവസേനയിലേക്കു പാലമിട്ടതും ആദ്യം. വകുപ്പുവിഭജനം മാത്രം ചര്ച്ചയാകാമെന്നും ഉറപ്പ് എഴുതിനല്കി ചര്ച്ച നടത്താന് ഇത് ഇന്ത്യയും പാക്കിസ്ഥാനുമല്ലെന്നും മന്ത്രി ഗിരീഷ് മഹാജന്. സര്ക്കാര് രൂപീകരണത്തിന് തങ്ങള് തടസ്സമാകില്ലെന്നു കഴിഞ്ഞ ദിവസം പറഞ്ഞ സഞ്ജയ് റാവുത്ത് വീണ്ടും മലക്കം മറിഞ്ഞു. സര്ക്കാര് രൂപീകരണം 'അധികാരമൊഴിയുന്ന' മുഖ്യമന്ത്രിയുടെ തീരുമാനം അനുസരിച്ചിരിക്കുമെന്നു ശിവസേനാ മുഖപത്രത്തില് ലേഖനം. അടുത്ത മുഖ്യമന്ത്രി സേനയില് നിന്നാകുമെന്നും പ്രതികരണം. ഇതിനിടെ, അന്തരിച്ച ബിജെപി നേതാവ് ഗോപിനാഥ് മുണ്ടെയുടെ സ്മൃതി മണ്ഡപം ശിവസേനാ അധ്യക്ഷന് ഉദ്ധവ് താക്കറെ സന്ദര്ശിച്ചതു ബിജെപിബന്ധം വിട്ടിട്ടില്ലെന്നതിന്റെ സൂചനയുമായി. സര്ക്കാര് രൂപീകരിക്കാന് ബിജെപിയും ശിവസേനയും പരാജയപ്പെട്ടാല് ബദല്മാര്ഗം നോക്കുമെന്ന് എന്സിപി മഹാരാഷ്ട്ര അധ്യക്ഷന് ജയന്ത് പാട്ടീല്. മോദി മന്ത്രിസഭയില് നിന്ന് ശിവസേനയുടെ ഏക കേന്ദ്രമന്ത്രി അരവിന്ദ് സാവന്ത് രാജിവച്ച് ബിജെപി കൂട്ടുകെട്ട് അവസാനിപ്പിച്ചാല് മാത്രം ചര്ച്ചയെന്നും നിലപാട്.
https://www.facebook.com/Malayalivartha
